తెలుగు అమ్మాయి చాందీనీ చౌదరి తాజాగా ఈ భామ నెటిజన్లను అప్రమత్తం చేస్తూ ఓ పోస్టు పెట్టారు. కొంతమంది వ్యక్తులు తన పేరు ఉపయోగించి వేధింపులకు పాల్పడుతున్నారని.. జాగ్రత్తగా ఉండాలని తెలిపారు.
తనతో పాటు తన సహ నటీనటులకు సంబంధించిన పేర్లు, ఫోటోలతో గత కొన్ని నెలల నుంచి అంతర్జాతీయ ఫోన్ నెంబర్లు ఉపయోగించి కొంతమంది వ్యక్తులు స్కామ్‌కు పాల్పడుతున్నారని చాందిని చౌదరి తెలిపింది.
వ్యక్తిగత సమాచారం తెలుసుకోవడం కోసం వాట్సాప్‌లో తమ పేర్లు వాడుకుంటూ మెసేజ్‌లు పంపిస్తున్నారని పేర్కొంది. అనంతరం వేధింపులకు గురి చేస్తున్నారని.. ఎవరికైనా ఇలాంటి మెసేజ్‌లు వస్తే దయచేసి రిపోర్ట్ చేయండని.. అలాగే వ్యక్తిగత వివరాలను వాళ్లతో పంచుకోవద్దు అంటూ చాందినీ సూచించింది.
తన పేరు వాడుకుంటూ పలువురు వ్యక్తులు.. ఇతరుల వ్యక్తిగత సమాచారాన్ని అడిగి తెలుసుకుని వేధింపులకు పాల్పడుతున్నారని చాందినీ వెల్లడించింది.
