ఫోటో కర్టెసీ-ఇన్‌స్టాగ్రాం
నిక్కీ తంబోలి. ఈ పేరు చెబితే బాలీవుడ్ ఇండస్ట్రీలో కుర్రకారు వెంటనే బిగ్ బాస్ హీరోయిన్ అంటారు. తాజా సీజన్లో బిగ్ బాస్ హౌసులో నిక్కీ తంబోలి చేసిన రచ్చ ఇంతాఇంతా కాదు. అందుకే ఆమె పాపులరైంది.
ఇక అసలు విషయానికి వస్తే ఈ ముద్దుగుమ్మ తనకు కరోనా సోకిందంటూ తన ఇన్ స్టాగ్రాంలో వెల్లడించింది. ఈమధ్య షో ముగిశాక తనకు అస్వస్థతగా వుండటంతో వైద్య పరీక్షలు చేయించుకున్నాననీ, అందులో తను కరోనా పాజిటివ్ వున్నట్లు తేలిందని చెప్పింది. ప్రస్తుతం తను హోమ్ క్వారెంటైన్లో వున్నాననీ, తన ఆరోగ్య పరిస్థితి బాగానే వుందని చెప్పింది. తనతో ఇటీవల కలిసి వున్నవారంతా వెంటనే కోవిడ్ పరీక్షలు చేయించుకోవాలని సూచించింది.
కాగా ఈ బాలీవుడ్ బ్యూటీ తెలుగులో చీకటి గదిలో చితక్కొట్టుడు, తిప్పరా మీసం అనే చిత్రాలలో నటించింది. కానీ ఆ చిత్రాలు అంతగా సక్సెస్ కాకపోవడంతో తిరిగి బాలీవుడ్ ఇండస్ట్రీపైనే గురి పెట్టింది.
