బిగ్ బాస్ తెలుగు రియాలిటీ షో త్వరలో ప్రారంభం కానుంది. ఎనిమిదవ సీజన్ ఆదివారం, సెప్టెంబర్ 1వ తేదీ సాయంత్రం 7 గంటలకు ప్రారంభమవుతుందని ప్రకటిస్తూ టీమ్ కొత్త ప్రోమోను విడుదల చేసింది. ప్రస్తుత ఎడిషన్‌కు కూడా నాగార్జున అక్కినేని హోస్ట్‌గా వ్యవహరించనున్నారు.
ఈ సీజన్‌లో వినోదం మస్తుగా వుంటుందని టాక్. ముందుగా ఈ షో సెప్టెంబర్ 7వ తేదీన ప్రారంభం కానుందని ప్రచారం జరిగినా, సెప్టెంబరు 1వ తేదీనే షో లాంచ్ అని నిర్వాహకులు ధృవీకరించారు. మొన్న కురిసిన వర్షాలకు అన్నపూర్ణ స్టుడియోలోని బిగ్ బాస్ సెట్ డ్యామేజ్ కావడంతో.. సెప్టెంబర్ 01న ప్రారంభం కావాల్సిన బిగ్ బాస్ 8 మరో వారం ఆలస్యం కాబోతుందనే వార్తలు వినిపించాయి. అయితే వర్క్ ఫాస్ట్‌గా జరగడంతో ముందుగా అనుకున్న టైంలోనే అంటే సెప్టెంబర్ 01 ఆదివారం రాత్రి 7 గంటల నుంచి బిగ్ బాస్ 8 ఆట మొదలుకాబోతుంది.
ఈ సీజన్ పోటీదారులలో ప్రముఖ యూట్యూబ్ స్టార్‌లు, సీరియల్ ఆర్టిస్టులు పాలు పంచుకుంటారని తెలుస్తోంది. ఈ షో మళ్లీ 24/7 ప్రసారం అవుతుందనే అంచనాలు ఉన్నాయి.
