కమల్ హాసన్ 'బిగ్బాస్' ఫైనలిస్ట్‌లో తెలుగు హీరోయిన్‌
హీరో కమల్ హాసన్ హోస్ట్‌గా నిర్వహిస్తున్న తమిళ బిగ్బాస్ రియాల్టీ షో చివరి దశకు చేరుకుంది. అయితే, తెలుగు రియాల్టీ షోతో పోల్చుకుంటే తమిళంలో సూపర్ డూపర్ హిట్ అయింది. తెలుగులో కేవలం 70 రోజులకే పరిమితమైన బ
హీరో కమల్ హాసన్ హోస్ట్‌గా నిర్వహిస్తున్న తమిళ బిగ్బాస్ రియాల్టీ షో చివరి దశకు చేరుకుంది. అయితే, తెలుగు రియాల్టీ షోతో పోల్చుకుంటే తమిళంలో సూపర్ డూపర్ హిట్ అయింది. తెలుగులో కేవలం 70 రోజులకే పరిమితమైన బిగ్బాస్... తమిళంలో మాత్రం 100 రోజులు పూర్తి చేసుకోబోతోంది.
అంటే.. అందులోని హౌస్‌మేట్స్ తెలుగు సెలబ్రిటీల కంటే ఎక్కువ రోజులే బిగ్బాస్ ఇంట్లో గడిపేశారన్న మాట. మొత్తం 15 మంది హౌస్‌మేట్స్‌లో ఇప్పుడు ఐదుగురు మాత్రమే ఫైనల్స్‌కు చేరారు. రానున్న ఆదివారం తెలుగు బిగ్‌బాస్‌తోపాటే.. తమిళ బిగ్బాస్ కూడా ముగియనుంది.
అయితే, తమిళ బిగ్బాస్ షోకు చేరుకున్న తుది ఐదుగురిలో తెలుగమ్మాయి కూడా ఉంది. ఆమె మరెవ్వరో కాదు.. మన 'అవకాయ్ బిర్యానీ' ఫేం బిందు మాధవి. ఆంధ్రప్రదేశ్‌లోని మదనపల్లెకు చెందిన బిందుకు.. తెలుగులో పెద్దగా అవకాశాలు లభించలేదు. అయితే, తమిళంలో మాత్రం మంచి ఛాన్స్‌లతో స్థిరపడింది.
ఈ నేపథ్యంలో 'బిగ్బాస్' ఆమెకు 'బంపర్ ఆఫర్' ఇచ్చాడు. బిగ్‌స్కీన్‌పై తమిళ ప్రేక్షకుల మనసులు దోచుకున్న బిందు.. బుల్లితెర బిగ్బాస్ విజేత కావాలంటే ఆమెకు ఓట్ల శాతం పెరగాల్సిందే. ఎందుకంటే.. ఆమెతో పాటు ఉన్న మిగతా నలుగురు సభ్యులైన ఆరవ్, గణేష్ వెంకట్రామ్, హరీష్ కళ్యాణ్, సుజా వరుణీకి కూడా మంచి ఫాలోయింగ్ ఉంది. దీంతో బిందు మాధవి విజేతగా నిలుస్తుందో లేదోనన్న టెన్షన్ నెలకొనివుంది.
