సెన్సేషనల్ స్టార్ గోపీచంద్, మిల్కీబ్యూటీ తమన్నా జంటగా నటించిన చిత్రం సీటీమార్. సంపత్ నంది దర్శకుడు. ఏప్రిల్ రెండో తేదీన ప్రేక్షకుల ముందుకురానుంది. దీంతో ఈ సినిమా ప్ర‌మోష‌న్స్‌ను వేగవంతం చేశారు.
తాజాగా చిత్రం నుండి "నా పేరే పెప్సీ ఆంటీ" అనే సాంగ్ విడుదల చేశారు. 'క్రాక్' సినిమాలో ‘భూం బద్దల్’ అన్న సాంగ్‌తో ఓ ఊపు ఊపిన అప్స‌ర రాణి ఇప్పుడు నా పేరే పెప్సీ ఆంటీ అంటూ సోష‌ల్ మీడియాను షేక్ చేస్తుంది. పాట‌తో పాటు డ్యాన్స్ కూడా మాస్ స్టైల్‌లో ఉండ‌నుండ‌గా, ఇది ప్రేక్ష‌కుల‌ని ఎంత‌గానో అల‌రిస్తుంద‌ని అంటున్నారు.
పవన్ కుమార్ సమర్పణలో శ్రీనివాస సిల్వర్ స్క్రీన్ బ్యాన్‌ర్‌పై శ్రీనివాస్ చిట్టూరి నిర్మిస్తున్న "సీటీమార్" చిత్రం కబడ్డీ ఆట నేపథ్యంలో తెరకెక్కుతోంది. గోపీచంద్ ఏపీకి కోచ్‌గా, తమన్నా తెలంగాణ కోచ్‌గా కనిపించనున్నారు.
ఇటీవల ఈ సినిమా నుంచి "జ్వాలా రెడ్డి" అన్న సాంగ్ రిలీజై అభిమానులను బాగా ఆకట్టుకుంది. ఈ క్రమంలో 'సీటీమార్' సినిమా నుంచి మాస్ సాంగ్ రిలీజ్ చేసి సినిమాపై హైప్ పెంచే ప్ర‌య‌త్నం చేశారు మేక‌ర్స్ . మ‌ణిశ‌ర్మ అందించిన సంగీతం ఆక‌ట్టుకునేలా ఉంది.
