'నా పేరు సూర్య నా ఇల్లు ఇండియా' లేటెస్ట్ అప్ డేట్స్
స్టైలీష్ స్టార్ అల్లు అర్జున్ న‌టిస్తోన్న లేటెస్ట్ మూవీ "నా పేరు సూర్య నా ఇల్లు ఇండియా". ఈ చిత్రం ద్వారా రైట‌ర్ వ‌క్కంతం వంశీ ద‌ర్శ‌కుడిగా ప‌రిచ‌యం అవుతున్నారు. ల‌గ‌డ‌పాటి శ్రీధ‌ర్ ఈ సినిమాని రామ‌ల‌క్
స్టైలీష్ స్టార్ అల్లు అర్జున్ న‌టిస్తోన్న లేటెస్ట్ మూవీ "నా పేరు సూర్య నా ఇల్లు ఇండియా". ఈ చిత్రం ద్వారా రైట‌ర్ వ‌క్కంతం వంశీ ద‌ర్శ‌కుడిగా ప‌రిచ‌యం అవుతున్నారు. ల‌గ‌డ‌పాటి శ్రీధ‌ర్ ఈ సినిమాని రామ‌ల‌క్ష్మీసినీ క్రియేష‌న్స్ బ్యాన‌ర్‌పై నిర్మించారు. బన్నీ స‌ర‌స‌న అను ఇమ్మాన్యుయేల్ న‌టించింది. దాదాపు షూటింగ్ పూర్తి చేసుకున్న ఈ సినిమా ప్ర‌స్తుతం పోస్ట్ ప్రొడ‌క్ష‌న్ వ‌ర్క్ జ‌రుపుకుంటోంది.
ఈ చిత్రంలోని ఓ పాట‌ను ఈరోజు చిత్ర నిర్మాత ల‌గ‌డ‌పాటి శ్రీధ‌ర్, ఆయ‌న స‌తీమ‌ణి శిరీషా శ్రీధ‌ర్ సంయుక్తంగా రిలీజ్ చేసారు. ఈ సంద‌ర్భంగా నిర్మాత ల‌గ‌డ‌పాటి శ్రీధ‌ర్ మాట్లాడుతూ... ఈ సినిమాతో బన్నీ సెన్సేష‌న‌ల్ స్టైలీష్ స్టార్ అవుతాడని గ‌ట్టి న‌మ్మ‌కం. బన్నీ తెలుగు సూప‌ర్ స్టార్ మాత్ర‌మే కాదు మ‌ల‌యాళంలో చాలా క్రేజ్ ఉంది.
ఈ సినిమాని త‌మిళంలో డ‌బ్ చేస్తున్నాం. సో.. త‌మిళ్ ఆడియ‌న్స్‌ను కూడా ఆక‌ట్టుకుని బన్నీ అక్క‌డ కూడా మంచి పేరు తెచ్చుకుంటాడు. హిందీ డ‌బ్బింగ్ కూడా జ‌రుగుతోంది. స‌రైనోడు హిందీ డ‌బ్బింగ్ మూవీ యూట్యూబ్‌లో ఎంత‌టి సెన్సేష‌న్ క్రియేట్ చేసిందో తెలిసిందే. నార్త్ ఇండియాలో కూడా బ‌న్నీకి ఆద‌ర‌ణ ఉంది కాబ‌ట్టి ఈ సినిమా హిందీ డ‌బ్బింగ్‌ని కూడా రిలీజ్ చేసేందుకు ప్ర‌య‌త్నిస్తున్నాం.
నాలుగు భాష‌ల్లోను ఒకేసారి ఈ చిత్రాన్ని రిలీజ్ చేసేందుకు ప్లాన్ చేస్తున్నాం. ఈనెల 20న సెన్సార్ కార్య‌క్ర‌మాలు పూర్తి చేసి 22న ఆడియో రిలీజ్ చేయాల‌నుకుంటున్నాం. ఇక 29న హైద‌రాబాద్‌లో భారీ స్థాయిలో ప్రీ రిలీజ్ ఫంక్ష‌న్ ప్లాన్ చేస్తున్నాం. మే 4న వ‌ర‌ల్డ్ వైడ్‌గా ఈ సినిమా రిలీజ్ చేసేందుకు ఏర్పాట్లు చేస్తున్నాం అని చెప్పారు.
