అక్కినేని అఖిల్ నటిస్తున్న తాజా చిత్రం మోస్ట్ ఎలిజిబుల్ బ్యాచ్‌లర్. బొమ్మరిల్లు భాస్కర్ దర్శకత్వంలో రూపొందుతోన్న ఈ మూవీ ప్రస్తుతం హైదరాబాద్‌లో షూటింగ్ జరుపుకుంటుంది. మెగా ప్రొడ్యూసర్ అల్లు అరవింద్ సమర్పణలో బన్నీ వాసు - వాసు వర్మ సంయుక్తంగా ఈ సినిమాని నిర్మిస్తున్నారు.
ఈ సినిమా జనవరి 21న ప్రేక్షకుల ముందుకు రానున్నట్టు సమాచారం. ఇదిలా ఉంటే, అఖిల్ మీడియాతో మాట్లాడుతూ.. సురేందర్ రెడ్డితో చేస్తున్న మూవీ గురించి ఓ ఇంట్రెస్టింగ్ న్యూస్ బయటపెట్టాడు. ఇంతకీ ఏమన్నాడంటే... సురేందర్ రెడ్డితో ఎప్పటి నుంచో సినిమా చేయాలనుకుంటున్నాను. అది ఇప్పటికి కుదరింది. ఈ సినిమా మామూలుగా ఉండదు. ధూమ్ థామ్‌గా ఉంటుంది. యాక్షన్ ఉంటుంది.
అలాగే ఎంటర్టైన్మెంట్ ఉంటుంది. ఎప్పుడెప్పుడు ఈ సినిమా షూటింగ్ స్టార్ట్ చేద్దామా అని ఎదురుచూస్తున్నాను అని అఖిల్ చెప్పాడు. అఖిల్ ఇలా చెప్పినప్పటి నుంచి ఈ సినిమాపై అంచనాలు రెట్టింపయ్యాయని చెప్పచ్చు. ఈ సినిమాని అనిల్ సుంకర భారీ స్ధాయిలో నిర్మిస్తున్నారు. సమ్మర్లో ఈ సినిమా ప్రేక్షకుల ముందుకు రానుంది. మరి.. ఈ సినిమాతో అభిమానులు ఆశించిన విజయం సాధిస్తాడని.. బాక్సాఫీస్ వద్ద సెన్సేషన్ క్రియేట్ చేస్తాడని ఆశిద్దాం.
