అఖిల్ అక్కినేని వివాహం అంగరంగ వైభవంగా జరిగింది. ప్రముఖ వ్యాపారవేత్త జుల్ఫీ రావ్జీ కుమార్తె జైనాబ్ రావ్జీతో ఆయన వివాహం శుక్రవారం ప్రైవేట్‌గా కార్యక్రమంగా జరిగింది. అక్కినేని కుటుంబ సభ్యులు, దగ్గరి బంధువులు, చిరంజీవి, రామ్ చరణ్, దగ్గుబాటి కుటుంబం వంటి చిత్ర పరిశ్రమ ప్రముఖులతో సహా ఎంపిక చేసిన కొద్దిమందిని మాత్రమే ఈ కార్యక్రమానికి ఆహ్వానించినట్లు సమాచారం.
ఈ నెల 8న అక్కినేని నాగార్జున అఖిల్, జైనబ్ వివాహ రిసెప్షన్‌ను గ్రాండ్‌గా ప్లాన్ చేశారు. రాజకీయ నాయకులతో పాటు సినీ ప్రముఖులు కూడా హాజరవుతారని భావిస్తున్నారు. నాగార్జున పూర్తిగా ప్రైవేట్ కార్యక్రమంగా నిర్వహించినందున ఈ వివాహం దగ్గరి కుటుంబ సభ్యులకే పరిమితం అయింది. అయితే, వేడుకకు సంబంధించిన కొన్ని ఫోటోలు, వీడియో క్లిప్‌లు ఇప్పుడు సోషల్ మీడియాలో వైరల్ అవుతున్నాయి.
అఖిల్ అక్కినేని వివాహం చేసుకున్న జైనాబ్ ఎవరు? ఆమె నేపథ్యం చాలా ఆసక్తికర అంశంగా మారింది. ఇంకా ఆశ్చర్యకరమైన విషయం ఏమిటంటే ఆమె కుటుంబ సంపద వివరాలు చాలా మందిని దిగ్భ్రాంతికి గురి చేశాయి. అఖిల్ నిజంగా జాక్‌పాట్ కొట్టాడనే చర్చ జరుగుతోంది.
జైనాబ్ రవ్జీ ప్రముఖ వ్యాపారవేత్త జుల్ఫీ రవ్జీ కుమార్తె, రియల్ ఎస్టేట్, నిర్మాణ సంస్థలను నడుపుతున్న పారిశ్రామికవేత్త. వారి కుటుంబం ముంబైలో స్థిరపడింది. భారతదేశం అంతటా ప్రాజెక్టులు కలిగి ఉన్నట్లు తెలుస్తోంది.
