వైఫ్ ఆఫ్ రామ్‌కి జ్యోతిక స‌పోర్ట్..!
విల‌క్ష‌ణ న‌టి మంచు లక్ష్మి నటించిన తాజా సినిమా ‘వైఫ్ ఆఫ్ రామ్’. రాజ‌మౌళి శిష్యుడు విజయ్ యెలకంటి ఈ చిత్రానికి దర్శకత్వం వ‌హించారు. సైకలాజికల్ ఇంటెలిజెంట్ థ్రిల్లర్‌గా రూపొందిన ఈ చిత్రాన్ని పీపుల్ మీడియా ఫ్యాక్టరీ, మంచు ఎంట‌ర్ టైన్మెంట్ సంయుక్తంగా
విల‌క్ష‌ణ న‌టి మంచు లక్ష్మి నటించిన తాజా సినిమా ‘వైఫ్ ఆఫ్ రామ్’. రాజ‌మౌళి శిష్యుడు విజయ్ యెలకంటి ఈ చిత్రానికి దర్శకత్వం వ‌హించారు. సైకలాజికల్ ఇంటెలిజెంట్ థ్రిల్లర్‌గా రూపొందిన ఈ చిత్రాన్ని పీపుల్ మీడియా ఫ్యాక్టరీ, మంచు ఎంట‌ర్ టైన్మెంట్ సంయుక్తంగా నిర్మించాయి. అటు ఆడియ‌న్స్ లోను, ఇటు ఇండ‌స్ట్రీలోను ఇంట్ర‌స్ట్ క్రియేట్ చేస్తోన్న వైఫ్ ఆఫ్ రామ్ చిత్రం ఈ నెల 20న ప్రేక్ష‌కుల ముందుకు వ‌స్తోంది. ఈ సంద‌ర్భంగా క‌థానాయిక జ్యోతిక వైఫ్ ఆఫ్ రామ్ గురించి త‌న స్పంద‌న‌ను తెలియ‌చేస్తూ ఓ వీడియో రిలీజ్ చేయ‌డం విశేషం.
మంచు లక్ష్మి వండ‌ర్‌ఫుల్ ప‌ర్స‌న్. సినిమాల్లో విభిన్న‌మైన పాత్ర‌లు పోషిస్తోంది. మ‌రోవైపు టివీలో షోస్ ద్వారా ఎంతోమందికి స‌హాయం చేస్తూ స్పూర్తి క‌లిగిస్తోంది. చాలా స్ట్రాంగ్ ప‌ర్స‌న్. వైఫ్ ఆఫ్ రామ్ ఈ నెల 20న రిలీజ్ అవుతోంది. ఈ సినిమాతో అంద‌ర్నీ ఆక‌ట్టుకుని మంచు లక్ష్మి విజ‌యం సాధించాల‌ని కోరుకుంటున్నాను అన్నారు.
మంచు లక్ష్మి ప్రధాన పాత్రలో నటిస్తోన్న ఈ సినిమాలో సమ్రాట్ రెడ్డి, ప్రియదర్శి, శ్రీకాంత్ అయ్యంగార్, ఆదర్శ్ బాలకృష్ణ తదితరులు నటించిన ఈ చిత్రానికి విజువల్ ఎఫెక్ట్స్ : ఉదయ్ కిరణ్. పి, కాస్ట్యూమ్స్ : అజబ్అలీ అక్బర్, ఎడిటర్ : తమ్మిరాజు, డైరెక్టర్ ఆఫ్ ఫోటోగ్రఫీ : సామల భార్గవ్, సంగీతం : రఘు దీక్షిత్, ఎగ్జిక్యూటివ్ ప్రొడ్యూసర్ : వంశీ కృష్ణ నాయుడు,మాటలు : సందీప్ రెడ్డి గంటా, ప్రొడక్షన్ డిజైనర్ : దీప్, సహ నిర్మాత : వివేక్ కూచిభొట్ల, నిర్మాణం : పీపుల్స్ మీడియా ఫ్యాక్టరీ, మంచు ఎంటర్టైన్మెంట్స్, నిర్మాతలు : టి.జి. విశ్వప్రసాద్, లక్ష్మి మంచు, రచన, దర్శకత్వం : విజయ్ యెలకంటి.
