టాలీవుడ్, కోలీవుడ్‌లకు బాగా పరిచయమైన అమలాపాల్ నటిస్తున్న ''ఆడై'' (తెలుగులో ఆమె) సినిమా ట్రైలర్ సోషల్ మీడియాలో విడుదలై వైరల్ అవుతోంది. లేడి ఓరియెంటెడ్ సినిమాగా రూపుదిద్దుకుంటున్న ''ఆడై''లో అమలాపాల్ కీలక రోల్ పోషిస్తోంది. ఈ సినిమా ఫస్ట్ లుక్, టీజర్ ఇటీవల విడుదలై సినిమాపై భారీ అంచనాలను పెంచేశాయి.
అంతేగాకుండా ఈ సినిమాకు సెన్సార్ బోర్డు ''ఎ'' సర్టిఫికేట్ ఇచ్చింది. ప్రస్తుతం విడుదలైన ట్రైలర్ వీడియో సినీ ప్రేక్షకులను ఆకట్టుకుంటోంది. దుస్తులు వేసుకోకుండా నగ్నంగా కనిపించిన టీజర్‌కు భిన్నంగా ఈ ట్రైలర్ వుంది. ఈ ట్రైలర్ వీడియోలో చిన్న విషయానికీ బెట్ కట్టే అమ్మాయిగా అమలాపాల్ కనిపిస్తోంది.
మనుషులు పుట్టేటప్పుడు దుస్తులేసుకుని పుట్టారా? అందుచేత మనం వేసుకున్న దుస్తుల్ని మనం తొలగిద్దాం.. మన శరీరం నిజానికి బర్త్ డే డ్రెస్‌లో వుంటుందని అమలా పాల్ చెప్పే డైలాగ్స్.. ట్రైలర్‌కు హైలైట్‌గా నిలుస్తోంది. ఈ సినిమా ట్రైలర్‌ను మీరూ ఓ లుక్కేయండి..
