సూపర్ స్టార్ మహేష్ బాబు హీరోగా నటిస్తున్న గుంటూరు కారం మూవీని హారిక హాసినీ క్రియేషన్స్ బ్యానర్‌పై రాధాకృష్ణ నిర్మిస్తున్నారు. శ్రీలీల, మీనాక్షి చౌదరి హీరోయిన్లుగా నటిస్తున్నారు. థమన్ ఈ చిత్రానికి సంగీతాన్ని ఇస్తున్నాడు. ఇందులో ప్రకాశ్ రాజ్, జగపతిబాబు, జయరాం, రమ్యకృష్ణ సహా ఎంతో మంది ప్రముఖులు కీలక పాత్రలను పోషిస్తున్నారు.
ఈ సినిమా జనవరి 12న రిలీజ్ అవనుంది. ఇప్పటికే ఈ మాజీ మిస్ ఇండియా ఊర్వశీ రౌటేలా ఈ మూవీలో సాంగ్ చేస్తుందట. ఇందుకోసం ఆమెకు ఏకంగా రూ. కోటి రెమ్యూనరేషన్‌గా ఇస్తున్నట్లు తెలిసింది. ఇక ఈ సినిమా షూటింగ్ మొత్తాన్ని డిసెంబర్ మొదటివారంలో కానీ, రెండో వారంలో కానీ పూర్తి చేస్తారు.
షూటింగ్‌తో పాటు పోస్ట్ ప్రొడక్షన్ పనులు కూడా సమాంతరంగా సాగుతున్నాయి. అలాగే ఈ సినిమాలో మహేష్ బాబు కనక దుర్గమ్మ భక్తుడిగా కనిపించబోతున్నాడట. ఈ సినిమాలో విజయవాడ కనక దుర్గమ్మ దేవాలయంలో వచ్చే ఓ క్రేజీ సీక్వెన్స్ కూడా చాలా బాగుంటుంది అని తెలుస్తోంది.
