ఎన్.టి.ఆర్. దేవర సినిమా ప్రమోషన్స్ ముందుగా బాలీవుడ్ నుంచి చిత్ర యూనిట్ మొదలుపెట్టింది. దక్షిణాదిలో కూడా పూర్తి చేసుకుని పైనల్ గా తెలుగులో ప్రీ రిలీజ్ చేయనున్నారని తెలుస్తోంది. ఈనెల 27న దేవర పార్ట్ 1 సినిమా విడుదలకు సిద్ధం చేస్తున్నామని ఇప్పటికే చిత్ర నిర్మాతలు ప్రకటించారు. కొరటాల శివ దర్శకుడు. నందమూరి కళ్యాణ్ రామ్ స‌మ‌ర్ప‌ణ‌లో ఎన్టీఆర్ ఆర్ట్స్, యువసుధ ఆర్ట్స్ బ్యానర్‌లపై మిక్కిలినేని సుధాకర్, కొసరాజు హరికృష్ణ, నందమూరి కళ్యాణ్ రామ్ నిర్మాతలు.
కాగా, దేవర ప్రీ రిలీజ్ ఈవెంట్ ను అంతకుముందు ప్రభాస్ కల్కి చేసినట్లుగానే రామోజీ ఫిలింసిటీలో చేయనున్నట్లు సమాచారం. ఇందుకు ఈనెల 22న తేదీ ఫిక్స్ చేశారు. అయితే ఈ వేడుకకు మహేష్ బాబు ముఖ్య అతిథిగా రానున్నట్లు వార్తలు వస్తున్నాయి. మహేష్ రావాలంటే రాజమౌళి కొత్త సినిమా కోసం బాడీ మేకోవర్ చేస్తున్నాడు కాబట్టి ఆయన పర్మిషన్ కూడా కావాలి. ఇటీవలే ఈ విషయాన్ని సుధీర్ బాబు చెబుతూ, మా నాన్న హీరో సినిమాకు మహేష్ బాబును తీసుకురండని అభిమానులు అడుగగా, అది నా చేతుల్లో లేదు. రాజమౌళి గారు పర్మిషన్ ఇవ్వాలి. ఆయన ఇస్తే తప్పకుండా వస్తారని తెలిపారు. సో.. మరి దేవరకు మహేష్ బాబు రావాలంటే రాజమౌళి పర్మిషన్ ఉండాలి. త్వరలో ప్రకటన కోసం అభిమానులు వెయింటింగ్.
