Select Your Language

Notifications

webdunia
webdunia
webdunia
webdunia

ఆర్ఆర్ఆర్‌లో ఆ ఎపిసోడ్ అద్భుతం, ఇంతకీ ఏంటది..?

Advertiesment
ఆర్ఆర్ఆర్‌లో ఆ ఎపిసోడ్ అద్భుతం, ఇంతకీ ఏంటది..?
, మంగళవారం, 3 నవంబరు 2020 (16:43 IST)
ఆర్ఆర్ఆర్... ఇప్పుడు వార్తల్లో ఉన్న సినిమా. కరోనా కారణంగా షూటింగ్‌లు ఆగిపోవడంతో... సినిమాల ప్రస్తావన కాస్త తగ్గింది. అయితే... ఇప్పుడిప్పుడే షూటింగ్‌లు స్టార్ట్ అవుతుండటం కొత్త సినిమాలు ప్రారంభోత్సవం జరుపుకుంటుండటంతో టాలీవుడ్లో మళ్లీ సందడి వాతావరణం స్టార్ట్ అయ్యిందని చెప్పచ్చు. అయితే.. ఇప్పటివరకు అంతగా వార్తల్లో లేని ఆర్ఆర్ఆర్ మూవీ ఇప్పుడు వార్తల్లో నిలిచింది.
 
కారణం ఏంటంటే ఎన్టీఆర్ టీజర్. ఈ సినిమాలో ఎన్టీఆర్ కొమరం భీమ్ పాత్ర పోషిస్తున్నాడు. ఈ పాత్రకు సంబంధించి రిలీజ్ చేసిన టీజర్ వివాదస్పదం అవడంతో బీజేపీ నాయకులు జక్కన్నకు వార్నింగులు ఇవ్వడంతో వివాదం ముదురుతుంది. ఇదిలావుంటే... ఈ సినిమాకి సంబంధించి ఓ ఇంట్రస్టింగ్ న్యూస్ బయటకు వచ్చింది. అది ఏంటంటే... ఈ సినిమాలో జక్కన్న జలియన్‌వాలా భాగ్ ఉందంతాన్ని కూడా ప్రస్తావించబోతున్నాడట.
 
స్వాతంత్ర్యానికి పూర్వం 1919 ఏప్రిల్ 13 వైశాఖీ పండుగ రోజున అమృత్ సర్ జలియన్ వాలాబాగ్‌లో నిర్వహించిన సభలో వేలాదిగా ప్రజలు పాల్గొన్నారు. 6.5 ఎకరాల స్థలంలో ఉన్న జలియన్ వాలాబాగ్‌కు లోపలికి వెళ్లాలన్నా.. బయటకు రావాలన్నా.. ఒకటే దారి ఉండేది.
 
అయితే... అక్కడ సభ జరుగుతున్న సమయంలో బ్రిటీష్ బ్రిగేడియర్ జనరల్ రెజినాల్డ్ డయ్యర్ వారిపై కాల్పులు జరిపించడంతో 1000 నుంచి 1500 మంది వరకు చనిపోయారని చరిత్రకారులు చెబుతుంటారు. దీనిని ఆర్ఆర్ఆర్‌లో చూపించబోతున్నారని తెలిసింది. ఈ ఎపిసోడ్ కోసం భారీ ఖర్చుపెడుతున్నారని.. తెరపై ఇది అద్భుతం అనేలా ఉంటుందని అంటున్నారు.

Share this Story:

Follow Webdunia telugu

తర్వాతి కథనం

''మిస్ ఇండియా'' కోసం కీర్తి సురేష్.. టీ లవర్స్‌కు ఆ ఫోటో ట్రీట్