కరోనా మొద‌టి వేవ్ స‌మ‌యంలో విడుద‌లైన ర‌వితేజ `క్రాక్‌` మంచి విజ‌యాన్ని సాధించింది. అందులో శ్రుతిహాస‌న్ న‌టించింది. గోపీచంద్ మ‌లినేని ద‌ర్శ‌క‌త్వం వ‌హించారు. ఆ సినిమా స‌క్సెస్ త‌ర్వాత మెగాస్టార్ చిరంజీవితో భేటీ అయ్యారు గోపీచంద్. అయితే ఆ త‌ర్వాత బాల‌కృష్ణ‌ను కూడా క‌లిశారు. ఆయ‌న‌తో సినిమా చేయ‌డానికి చ‌ర్చ‌లు జ‌రిగిన‌ట్లు అప్ప‌ట్లోనే తెలియ‌జేశారు. ఇది ఇప్ప‌టి వ‌ర్క‌వుట్ అయింది. నంద‌మూరి బాలకృష్ణతో గోపీచంద్ సినిమా చేయ‌బోతున్నాడు. ప్ర‌స్తుతం బాల‌య్య‌బాబు `అఖండ` సినిమాలో వున్నాడు. ఇంకా కొంత భాగం పూర్తి చేయాల్సి వుంది.
కాగా, తాజా స‌మాచారం ప్ర‌కారం బాలకృష్ణతో జోడీ క‌ట్ట‌డానికి శ్రుతిహాస‌న్‌ను ప‌రిశీల‌న‌లో వున్న‌ట్లు చిత్ర యూనిట్ తెలియ‌జేస్తుంది మైత్రీమూవీస్ సంస్థ ఈ సినిమాను నిర్మిస్తోంది. సినిమాను లాంఛనంగా అరంభించారు కూడా. ‘డాన్ శీను, బలుపు, పండగ చేస్కో’ వంటి సినిమాలతో దర్శకుడిగా మంచి గుర్తింపు తెచ్చుకున్న గోపీచంద్ బాలకృష్ణ ఇమేజ్ కు సరిపోయేలా ఓ చరిత్రకారుని కథ ఆధారంగా ఈ సినిమా తెరకెక్కించబోతున్నార‌ని తెలుస్తోంది.
పల్నాటి ప్రాంతానికి చెందిన ఆ చరిత్రకారుని కథకి బాలయ్య త‌గిన న్యాయం చేస్తాడ‌ని అంటున్నారు. ఈ సినిమాలో ఫ్లాష్‌బేక్ ఎపిసోడ్ కీల‌క‌మైంది. అందుకు శ్రుతిహాస‌న్ స‌రిపోతుంద‌ని అందుకే ఆమెను సంప్ర‌దించిన‌ట్లు తెలుస్తోంది. కరోనా క‌రుణిస్తే జులై నుంచి ఈ సినిమా సెట్స్ మీదకు వెళ్ళనుంది. వచ్చే ఏడాది సంక్రాంతికి విడుదల చేయాలన్నది దర్శకనిర్మాతల ప్లాన్.
