రెబల్‌ స్టార్‌ ప్రభాస్ సినిమా సక్సెస్‌ కోసం ఎదురు చూస్తున్నాడు. బాహుబలి తర్వాత ఆయనకు అంత రేంజ్‌ హిట్‌ ఏ సినిమా తెచ్చిపెట్టలేదు. ఆమధ్య విడుదలైన రామాయణ గాథ ఆదిపురుష్‌ ఆయనకు వ్యధగా మారిందనేది లోకోక్తి. ఇక టైంమిషన్‌ నేపథ్యంలో నాగ్‌ అశ్విన్‌ సినిమాలో చేస్తున్నాడు. ఇది విడుదలకు చాలా సమయం వుంది. అయితే కె.జి.ఎఫ్‌. దర్శకుడు ప్రశాంత్‌ నీల్‌ దర్శకత్వంలో ఏడాదికిపైగా రూపొందుతున్న సలార్ సినిమా పై ఆశలు ఫ్యాన్స్‌లో నెలకొన్నాయి. కానీ సినిమా అనుకున్నటైంకు రాకుండా వాయిదా పడుతూవచ్చింది. పోస్ట్ ప్రొడక్షన్ పనులు పూర్తి కాలేదు. త్వరలో మరో డేట్‌ను ప్రకటించనున్నారు.
ఈ సినిమాలో శ్రుతిహాసన్‌ నటించింది. ఇటీవలే హైదరాబాద్‌లో ఏ వ్యాపారప్రచారానికి హాజరైంది. సలార్ గురించి చెబుతూ, తనకూ ఎంతో ఆతృతగా వుందని విడుదల కోసం వెయిట్‌ చేస్తున్నట్లు చెప్పింది. ప్రభాస్ గురించి చెబుతూ.. ఎంత ఎత్తు ఎదిగినా ఒదిగి వుండే లక్షణం ఆయలో చూశాను. చాలా హంబుల్‌ పర్సన్‌. చాలా గౌరవంగా మాట్లాడతాడు. సీన్‌లో ఇన్‌వాల్వ్‌ అయి ఏదేనా టేక్‌లోతప్పు చెప్పినా తను సర్దుకుపోయి పర్వాలేదు. మరో టేక్‌ కు ఓకే అంటూ తోటి నటుట్ని ఎంకరేజ్‌ చేస్తారంటూ కితాబిచ్చింది. ఇక ఈ సినిమాలో మీనాక్షి చౌదరి, శ్రియా రెడ్డి, పృథ్వీరాజ్‌ సుకుమారన్‌, జగపతిబాబు తదితరులు నటించారు. హాంబలే ఫిలిమ్స్‌పై విజయ కిరాగందుర్‌ నిర్మిస్తున్నారు.
