సాయిపల్లవి తెలివైన అమ్మాయి... పట్టిందల్లా బంగారమే. ఏరి కోరి హిట్ కథలనే ఎంచుకుంటోది. కానీ ఇప్పుడు రివర్స్‌లో వెళుతోంది. పట్టిందల్లా ఫ్లాపే అవుతోంది. ఎందుకిలా జరుగుతోంది. ఆ జడ్జ్‌మెంట్ ఏమైంది.
సాయిపల్లవి ఎం.బి.బి.ఎస్. చదువుతున్న సమయంలో మళయాళ సినిమా ప్రేమంతో ఎంట్రీ ఇచ్చింది. తొలి అడుగులోనే సూపర్ హిట్‌ను అందుకుంది. ఆ మరుసటి సంవత్సరం తమిళంలో దుల్హర్ సల్మాన్‌తో జతకట్టి కాలితో సక్సెస్‌తో కంటిన్యూ చేసింది. మళయాళం, తమిళంలో పాటు సాయిపల్లవి తెలుగు ప్రయాణం కూడా సక్సెస్‌తో మొదలైంది.
తనదైన ఫర్మాన్సెస్‌తో, ఎనర్జిటిక్ డ్యాన్స్‌తో తెలుగు ఆడియన్స్‌ను ఇంప్రెస్ చేసి క్రేజీ ఇమేజ్‌ను సొంతం చేసుకుంది. ఆ వెంటనే నటించిన ఎం.సి.ఎ. మూవీతో సక్సెస్‌ఫుల్ హీరోయిన్ అనిపించుకుంది సాయిపల్లవి.
సక్సెస్‌తో ప్రారంభమైన సాయిపల్లవి జర్నీ ప్రస్తుతం ఫ్లాప్‌లతో నడుస్తోంది. ఎంసిఎ తరువాత నటించిన కణం, పడిపడిలేచే వయస్సు నిరాశపరిచాయి. తమిళంలోను ఇదే పరిస్థితి. ధనుష్‌తో జతకట్టిన మారి-2, సూర్యతో నటించిన ఎన్‌జికే సక్సెస్ అవ్వలేదు. సినిమా కథ, ముఖ్యంగా తన పాత్ర నచ్చితే గానీ ఓకే చెయ్యదు సాయిపల్లవి.
ఇలా మనస్సుకు నచ్చని చాలా క్రేజీ ప్రాజెక్టులను వదిలేసుకుంది. పోనీ ఎంచుకున్న సినిమాలన్నా హిట్ అవుతున్నాయంటే అదీ లేదు. కథను జడ్జ్ చేయలేక ఏరికోరి ఫ్లాపయ్యే మూవీస్‌నే ఎంచుకుంటోంది. ప్రస్తుతం రానాతో జతకడుతున్న సినిమా అయినా సక్సెస్ అవుతుందో లేదో వేచి చూడాలి.
