అల్లుడు శ్రీను పేరు వింటేనే హీరో బెల్లంకొండ శ్రీనివాస్ గుర్తుకు వస్తారు. యంగ్, డైనమిక్, ఎనర్జిటిక్ హీరోగా పేరు సంపాదించారు ఈయన. ప్రస్తుతం బాలీవుడ్లో తన అదృష్టాన్ని పరీక్షించుకోబోతున్నారట.
పాన్ ఇండియా రెబల్ స్టార్ ప్రభాస్ నటించిన ఛత్రపతి సినిమాను రీమేక్ చేస్తున్నారు. రీసెంట్‌గా కొబ్బరికాయ కొట్టి షూటింగ్ స్టార్ట్ చేసిన ఈ హీరో తాజాగా ఈ సినిమా కోసం ఒక క్రేజీ హీరోయిన్‌ను లైన్లో కూడా పెట్టారట.
ఇప్పుడు ఇదే విషయం వైరల్‌గా మారుతోంది. నిన్నమొన్నటి వరకు ఈ సినిమాలో హీరోయిన్ ఎవరన్నది ఆశక్తికరంగా మారంది. మొదటగా శ్రీదేవి కూతురు జాన్వీకపూర్ హీరోయిన్‌గా నటిస్తారన్న ప్రచారం ఎక్కువగా సాగింది.
ఆ తరువాత బాలీవుడ్ బ్యూటీ కియారా అద్వానీ దాదాపు ఖరారయ్యారన్న న్యూస్ కూడా చక్కర్లు కొట్టింది. అయితే లేటెస్ట్ బజ్ ప్రకారం కియారా డేట్స్ దొరక్కపోవడంతో ఆమె ప్లేస్‌లో రెజీనాను ఫిక్స్ చేశారట మూవీ మేకర్స్.
ఆ మధ్యన తెలుగులో వరుస సినిమాలు చేసిన రెజీనా ఆ తరువాత తమిళ సినిమాల్లో నటించి మంచి నటిగా గుర్తింపు తెచ్చుకున్నారు. 2018లో ఒక హిందీ చిత్రంలో నటించి అక్కడ కూడా గుర్తింపు కూడా తెచ్చుకున్నారట. ఇక ఛత్రపతి రీమేక్‌తో మరోసారి బాలీవుడ్ ప్రేక్షకులను అలరించడానికి సిద్థమవుతున్నారట.
