Publish Date: Sun, 28 Mar 2021 (13:29 IST)
Updated Date: Sun, 28 Mar 2021 (13:31 IST)
ప్రముఖ దర్శకుడు ఎస్ఎస్ రాజమౌళి, యంగ్ టైగర్ జూనియర్ ఎన్టీఆర్ కాంబినేషన్లో మరో సినిమా రానుంది. ప్రస్తుతం వీరిద్దరి కాంబినేషన్లో "ఆర్ఆర్ఆర్" చిత్రం తెరకెక్కుతోంది. ఇందులో మరో హీరోగా రామ్ చరణ్ కూడా నటిస్తున్నారు. ఈ క్రమంలో రాజమౌళి - ఎన్టీఆర్ కాంబోలో మరో చిత్రం రానుందనే టాక్ వినిపిస్తోంది.
గతంలో వీరిద్దరి కాంబోలో 'స్టూడెంట్ నెం:1', 'సింహాద్రి', 'యమదొంగ' వంటి చిత్రాలు వచ్చాయి. ప్రస్తుతానికి, ఎన్టీఆర్ "ఆర్ఆర్ఆర్" సినిమాను పూర్తి చేసిన తరువాత... త్రివిక్రమ్తో ఎన్టీఆర్ జతకట్టనున్న సంగతి తెలిసిందే.
ఆ తర్వాత ప్రశాంత్ నీల్, అట్లీతో రెండు ప్రాజెక్టులు చేయనున్నారు. మొదట ఎవరి సినిమాలో నటిస్తాడో తెలియదు. మరోవైపు "ఆర్ఆర్ఆర్" తర్వాత రాజమౌళి.. మహేష్ బాబుతో కలిసి ఓ సినిమా తీయనున్నారు.
మహేష్ సినిమా పూర్తి చేసిన తర్వాత ఎన్టీఆర్తో సినిమా చేయవచ్చని వార్తలు వినిపిస్తున్నాయి. అయితే ఈ ప్రాజెక్ట్ పట్టాలెక్కడానికి చాలా టైం పట్టొచ్చు. కానీ ఇది తారక్ అభిమానులకు నిజంగా ఓ సంతోకరమైన న్యూస్.
