తెలుగు సినీ ఇండస్ట్రీలో తనకు ఎలాంటి సమస్యలు లేవని.. కానీ తమిళ సినీ ఇండస్ట్రీలో చాలా సమస్యలు ఎదుర్కొన్నానని.. ముఖ్యంగా ఓ సినిమా షూటింగ్‌లో ఓ తమిళ హీరో తనను వేధింపులకు గురిచేశాడని.. నిత్యామీనన్ క్యాస్టింగ్ కోచ్ ఆరోపణలు చేసినట్లు వార్తలు గుప్పుమన్నాయి. ఈ వ్యాఖ్యలపై నిత్యామీనన్ క్లారిటీ ఇచ్చేసింది. అవన్నీ గాలి వార్తలని స్పష్టం చేసింది.
నిత్యామీనన్ క్యాస్టింగ్ కౌచ్ ఆరోపణలు బయటికి రావడంతో ఆమెతో సినిమాలు చేసిన యంగ్ హీరోల పేర్లు తెరపైకి వచ్చాయి. దీంతో షాకైన నిత్యామీనన్.. ఇన్‌స్టాలో స్పందించింది. తనపై వచ్చిన కథనాలను ఆమె ఖండించింది. ఇండస్ట్రీలో అందరం కొంతకాలమే వుంటామని.. ఈ టైమ్‌లో ఒకరిపై ఒకరు బురద చల్లుకుంటున్నామని చెప్పింది. ఇంకా ఈ పుకార్లను పుట్టించిన వారిపై ఫైర్ అయ్యింది. సదరు హ్యాండిల్‌ను వెతికి పట్టుకుని.. వారిని ట్యాగ్ చేసింది.
ఇప్పటికైనా మనుషుల్లా వుండాలని క్లాస్ పీకింది. దీంతో నిత్యామీనన్‌పై వచ్చిన వార్తలు ఫేక్ అని తేలిపోయింది. ప్రస్తుతం ఓ వెబ్ సిరీస్‌లో నిత్యా మీనన్ నటించింది. ఇంకా ఆ సిరీస్ ప్రమోషన్‌లో పాల్గొంటోంది.
