బాలీవుడ్, గీలీవుడ్ జాంతానయి. టాలీవుడ్ మాత్రమే నా కేరాఫ్ అడ్రస్ అప్పుడెప్పుడో అనేశారు సూపర్ స్టార్ మహేష్ బాబు. ఆ మాటకు ఎన్నాళ్ళు కట్టుబడి ఉంటారు అనేది అటుంచితే రెమ్యునరేషన్ విషయంలో ఏ మాత్రం వెనక్కి తగ్గడం లేదంట మహేష్ బాబు. అసలు మహేష్ రేంజ్ ఏంటి.. కాల్షీట్లు ఎలా ఉన్నాయి..
సిల్వర్ జుబ్లి మూవీ మహర్షి బ్లాక్ బస్టర్ హిట్ కావడంతో ఆ తరువాత వచ్చిన సరిలేరు నీకెవ్వరు మహేష్ కెరీర్లో చాలా క్రూషియల్‌గా మారింది. కమర్షియల్ మూవీ అయిన సరిలేరు నీకెవ్వరు మూవీ హిట్ గ్యారంటీ అని నడిచింది. అప్పట్లో మేజర్ అజయక్రిష్ణ రోల్ కోసం 50 కోట్లు తీసుకున్నారనే టాక్ వినిపించింది.
ఇప్పుడు సర్కార్ వారి పాటలను మైత్రీ మూవీస్‌తో పాటు మహేష్ సొంత బ్యానర్ కలిసి నిర్మిస్తున్నాయి. దీనికి 58 కోట్ల రెమ్యునరేషన్ కోడ్ చేశారట మహేష్. నిర్మాణంలో కూడా పార్టిసిపేషన్ ఉంది కాబట్టి దానికి తగినట్లుగా రెవిన్యూను షేర్ చేసుకునేట్లుగా డీల్ కూడా కుదిరిందట.
త్రివిక్రమ్ మూవీతో చేస్తున్న హ్యాట్రిక్ మూవీలోను తగ్గేది లేదంటున్నారు సూపర్ స్టార్. మిగిలిన మార్కెట్లను ఎట్రాక్ట్ చేసే విధంగా కంటెంట్ రెడీ అవుతోందట. కలెక్షన్ల వసూళ్ళు కూడా పాన్ ఇండియా స్థాయిలో ఉండొచ్చని సినీ విశ్లేషకుల అంచనా. అందుకే ఈ సినిమాకు 60 కోట్ల వరకు తీసుకోబోతున్నారట మహేష్ బాబు.
అక్టోబర్ లేదా నవంబర్ నెలల్లో సెట్స్ పైకి వెళ్ళబోయే ఈ క్రేజీ మూవీ సమ్మర్ సీజన్లో రిలీజ్ అయ్యే ఛాన్స్ ఉంది. ఆ తరువాత జక్కన్నతో కలిసి సినిమా చేస్తే అది ఎంత అవుతుందన్న దానిపై సినీపరిశ్రమలో చర్చ జరుగుతోంది.
