చేతిలో సినిమాల్లేకుండా ఖాళీగా వున్న జైలర్ దర్శకుడు

జైలర్ సినిమాతో భారీగా కలెక్షన్లను తన ఖాతాలో వేసుకున్న డైరక్టర్ నెల్సన్ దిలీప్ కుమార్‌కు ప్రస్తుతం ఆఫర్లు రావట్లేదు.  జైలర్ బాక్సాఫీస్ వద్ద మెగా బ్లాక్‌బస్టర్‌గా నిలిచింది. ప్రపంచవ్యాప్తంగా రూ. 600 కోట్లకు పైగా వసూలు చేసింది. రజనీకాంత్ నటించిన భారీ ఈ సినిమా భారీ విజయం సాధించినప్పటికీ, నెల్సన్ ఖాతాలో గత సంవత్సరం సినిమా లేదు.

కెరీర్ పీక్‌లో ఉన్నప్పటికీ ఆయన చేతిలో కొత్త ప్రాజెక్ట్ లేదు.ప్రస్తుతం ఓ అగ్ర తమిళ స్టార్‌తో ప్రాజెక్ట్‌ను లైన్ చేయడానికి చాలా కష్టపడుతున్నాడు. అతను జైలర్ 2 కోసం వేచి ఉన్నట్లు కనిపిస్తున్నాడు.

అయితే దీనికి ఊహించిన దానికంటే ఎక్కువ సమయం తీసుకుంటోంది. ఇంకా నెల్సన్ అల్లు అర్జున్, జూనియర్ ఎన్టీఆర్ కోసం కూడా స్క్రిప్ట్‌లను ఆలోచిస్తున్నాడని ఒక టాక్ ఉంది. అయితే తరువాత ఏదీ కార్యరూపం దాల్చలేదు. దర్శకుడు చేతిలో ఇంకా ప్రాజెక్ట్ లేదు.

వందల కోట్ల గ్రాస్ సాధించిన సినిమాలు తెరకెక్కించిన నెల్సన్ 12 నెలలకు పైగా ఉద్యోగాలు లేకుండా వుండటం కోలీవుడ్‌లో మెయిన్ టాక్ అయ్యింది.