పవర్ స్టార్ పవన్ కళ్యాణ్ తన 50వ పుట్టినరోజు వేడుకలను బుధవారం జరుపుకున్నారు. ఈ సందర్భంగా ఆయన నటించనున్న పలు ప్రాజెక్టుల వివరాలు వెలుగులోకి వచ్చాయి. ప్రస్తుతం ఆయన బాలీవుడ్ చిత్రం పింక్‌‌ను తెలుగులోకి వకీల్ సాబ్ పేరుతో రీమేక్ చేస్తున్న విషయంతెల్సిందే. ఈ చిత్రం తర్వాత క్రిష్ జాగర్లమూడితో 27వ చిత్రం, ఆ తర్వాత హరీష్ శంకర్‌తో 28వ చిత్రంలో నటించనున్నారు. ఆ తర్వాత తన 29వ చిత్రాన్ని సురేందర్ రెడ్డి దర్శకత్వంలో నటించనున్నారు. అలాగే, మరికొందరు దర్శకుడు పవన్‌కు కథలు వినిపించేందుకు సిద్ధంగా ఉన్నారు.
ఇదిలావుంటే, పవన్ - హరీష్ శంకర్ కాంబినేషన్‌లో వచ్చిన చిత్రం గబ్బర్ సింగ్. ఈ చిత్రం సినీ ఇండస్ట్రీలోని రికార్డులను తిరగరాసింది. స‌క్సెస్ కోసం ఎదురుచూస్తున్న పవన్ క‌ళ్యాణ్‌కు తన కెరీర్‌లోనే ఊహించిన దానికంటే ఎక్కువ బ్లాక్ బ్లాస్ట‌ర్ హిట్‌గా నిలిచింది.
హరీష్ శంకర్ - పవన్ కళ్యాణ్ కాంబోలో వచ్చిన ఈ సినిమాలో పవన్ స్టైలిష్ యాక్టింగ్, త‌న‌దైన మేన‌రిజంతో అంద‌రికీ వినోదాన్ని అందించాడు. ఇపుడు ఈ క్రేజీ కాంబినేష‌న్ మ‌రోసారి ప్రేక్ష‌కుల‌ను అల‌రించేందుకు సిద్ద‌మైంది.
ఇప్ప‌టికే హరీష్‌శంక‌ర్ - పవన్ కాంబోలో మూవీ రానుంది. తాజాగా దీనిపై అధికారిక ప్ర‌క‌ట‌న వచ్చేసింది. గబ్బర్ సింగ్‌తో అల‌రించిన పవన్ కళ్యాణ్ - హరీష్ శంకర్ - దేవీ శ్రీ ప్ర‌సాద్ హిట్ కాంబినేష‌న్ మ‌రోసారి అంద‌రినీ అల‌రించేందుకు ముస్తాబైంది.
మైత్రీ మూవీ మేక‌ర్స్ సంస్థ నిర్మించనున్న ఈ చిత్రంలో పూజా హెగ్డే నిర్మించనుంది. ప్ర‌జా నాయ‌కుడిగా పవన్ క‌ళ్యాణ్‌ను ఎలివేట్ చేసే విధంగా హరీష్ శంకర్ క‌థ‌ను సిద్దం చేశాడ‌ని టాక్ వినిపించ‌గా.. ఈ మూవీ పొలిటికల్ బ్యాక్ డ్రాప్ కాద‌ని ఔట్ అండ్ ఔట్ మాస్ ఎంట‌ర్‌టైన‌ర్‌గా ఉంటుంద‌న్నది సమాచారం.
