ఎక్కువ సినిమాల్లో ఒక హీరోతో కలిసి నటిస్తే ఆటోమేటిక్‌గా ప్రేమ స్టార్ట్ అవుతుందంటూ పుకార్లు రావడం మామూలే. ఇప్పుడు అలాంటిదే జరిగింది. తనతో పాటు కొన్ని సినిమాల్లో కలిసి నటించి, హీరోయిన్‌గా తనను పరిశ్రమలో నిలదొక్కుకునేందుకు సహకరించిన రామ్‌తో అనుపమ చెట్టాపట్టాలేసుకుని తిరుగుతోందంటూ గుసగుసలు వినిపిస్తున్నాయి. ఇప్పుడు ఇదే తెలుగు సినీపరిశ్రమలో హాట్ టాపిక్‌గా మారుతోంది.
ఉన్నదొక్కటే జిందగీ సినిమాలో రామ్, అనుపమ మధ్య ప్రేమ చిగురించిందనీ, హలో గురూ ప్రేమ కోసమే సినిమాతో బలపడిందని చెప్పుకుంటున్నారు. అంతేకాదు ప్రస్తుతం హలో గురూ ప్రేమ కోసమే సినిమా సక్సెస్ అయిన తరువాత సక్సెస్ టూర్లో ఉన్న రామ్, అనుపమ ఇద్దరూ ఫోనుల్లో మాట్లాడుకుంటూ బిజీగా ఉన్నారట.
వీలు దొరికినప్పుడల్లా ఇద్దరూ చాటింగ్‌లు చేసేసుకుంటున్నారట. దీనిపై వారిని కదిలిస్తే... ఏం ఫోన్లలో మీరు మాట్లాడుకోరా... చాటింగులు చేసుకోరా అంటూ రివర్స్ ప్రశ్నలు వేస్తున్నారట. నిజమే కదా.... ఫోన్లో మాట్లాడినంత మాత్రాన లింకులు పెట్టేస్తే ఎలా?
