Publish Date: Thu, 30 Jan 2025 (19:23 IST)
Updated Date: Thu, 30 Jan 2025 (19:28 IST)
పాన్ ఇండియా స్టార్ గా ఎదిగిన ప్రభాస్ సినిమాలతో బిజీగా వున్నాడు. మారుతీ దర్శకత్వంలో రూపొందుతున్న రాజా సాబ్ చిత్రం షూటింగ్ ముగింపు దశకు వచ్చింది. ఫిలింసిటీలో ప్యాచ్ వర్క్ కూడా కొనసాగుతుంది. ఈ సినిమా అనంతరం హను రాఘవపూడి దర్శకత్వంలో ‘ఫౌజీ’ని తెరకెక్కిస్తున్నాడు. అజాద్ హింద్ ఫౌజ్ నేపథ్యంగా ఈ చిత్రాన్ని రూపొందిస్తున్నట్లు సమాచారం. ఇక ఈ సినిమాతోపాటు డైరెక్టర్ సందీప్ రెడ్డి వంగా దర్శకత్వంలో ‘స్పిరిట్’ సినిమాను చేస్తున్నాడు ప్రభాస్ తెలిపాడు.
కాగా, ఈ సినిమా కోసం మార్చిలో షెడ్యూల్ ప్రారంభించనున్నట్లు సమాచారం. అయితే ఇందులో యాక్షన్ సీన్స్ కూడా వుంటాయి. ప్రభాస్ సినిమా అనగానే యాక్షన్ ఎపిసోడ్ కంపల్ సరి. ఇటీవలే ఫౌజీ సినిమా షూట్ లో మాదాపూర్ లోని అల్యూమినియం ఫ్యాక్టరీ లో కొన్ని కీలక సన్నివేశాలు తీశారు. బాలీవుడ్ కు చెందిన యాక్షన్ కొరియోగ్రాఫర్లతో తీసిన ఈ ఎపిసోడ్ లో ప్రభాస్ పై క్లోజ్ షాట్స్ తీసినట్లు తెలిసింది. మిగిలిన యాక్షన్ పార్ట్ బాహుబలిలో డూప్ గా చేసిన నర్సింహ అనే వ్యక్తితో చేసినట్లు విశ్వసనీయ సమాచారం. అతను డిటో ప్రభాస్ మాదిరిగానే వుంటాడని తెలిసిందే. దానికి కారణం కాలికి గతంలో అయిన గాయం ఇంకా తగ్గకపోవడమేఅని తెలుస్తోంది. కాగా, సందీప్ రెడ్డి సినిమా రెండేళ్ళపాటు చేయనున్నట్లు సమాచారం.
