నాగచైతన్య నో చెప్పాడా...? ఐతే నేను చేస్తానంటున్న హీరో...

శుక్రవారం, 20 సెప్టెంబరు 2019 (18:13 IST)
నాగ చైత‌న్య నో చెప్పిన క‌థ‌తో నాగ‌శౌర్య సినిమా చేయబోతున్నాడు. అవును... అఫిషియ‌ల్ ఎనౌన్స్‌మెంట్ కూడా వ‌చ్చేసింది. ఇంత‌కీ ఏం జ‌రిగిందంటే... లక్ష్మీసౌజన్య అనే నూత‌న ద‌ర్శ‌కురాలు ఆ మధ్య నాగ చైతన్యకి ఓ కథ వినిపించింది. చైతూకి కూడా కథ నచ్చిందని.. ఆమెతో సినిమా చేస్తున్నాడని వార్త బయటికొచ్చింది. అంతే కాదండోయ్.. హీరోయిన్‌గా రకుల్ కూడా ఫిక్స్ అన్నారు. ప్రీ ప్రొడ‌క్ష‌న్ వ‌ర్క్ స్టార్ట్ చేసారు.
 
ఆ త‌ర్వాత ఏమైందో ఏమో కానీ... ఈ ప్రాజెక్ట్ సెట్స్ పైకి వెళ్ల‌లేదు. ఇప్పుడు సౌజన్య అదే కథను నాగశౌర్యతో చేయబోతోందని తెలిసింది. లేటెస్ట్‌గా సితార ఎంటర్టైన్‌మెంట్స్‌లో శౌర్య - సౌజన్య సినిమాను అనౌన్స్ చేశారు. నిజానికి సితార ఎంట‌ర్‌టైన్మెంట్ వాళ్ళు చైతూ కాంబినేషన్లో ఈ సినిమాను చేయాలని చూసారు.. కానీ కుదర్లేదు. ఇప్పుడు అదే సినిమాను శౌర్యతో నిర్మిస్తున్నారు.
 
 చైతూ పక్కకి తప్పుకున్నా సౌజన్యను ఇంతవరకూ వెయిట్ చేయించి ఎట్టకేలకు ఆమెకు అవకాశం ఇచ్చి సినిమాను చేస్తున్నారు. ప్రస్తుతానికైతే ఈ సినిమాలో శౌర్య మినహా నటించే కాస్టింగ్ గురించి డీటెయిల్స్ ఇవ్వలేదు. ఇంకా ప్రీప్రొడక్షన్ వర్క్ జరుగుతుంది. అక్టోబర్ నుండి షూట్ స్టార్ట్ చేసి వచ్చే వేసవికి సినిమాను రిలీజ్ చేయ‌నున్న‌ట్టు ప్ర‌క‌టించారు. ఈ క‌థ విష‌యంలో నాగచైత‌న్య క‌రెక్టా..? నాగశౌర్య క‌రెక్టా..? అనేది తెలియాలంటే కొన్ని రోజులు ఆగాల్సిందే.

వెబ్దునియా పై చదవండి

తర్వాతి కథనం ఇంకేముంది..? బ్రేకప్.. బక్కపలచగా మారిన ఇలియానా