Webdunia - Bharat's app for daily news and videos

Install App

Select Your Language

Notifications

webdunia
webdunia
webdunia
webdunia
Advertiesment

'ఖైదీ'ని బందీ చేసిన 'చందమామ' - ఆచార్యకు జోడీ కుదిరింది!

webdunia
సోమవారం, 23 మార్చి 2020 (09:35 IST)
మెగాస్టార్ చిరంజీవి - కొరటాల శివ కాంబినేషన్‌లో తెరకెక్కుతున్న చిత్రం "ఆచార్య". కరోనా వైరస్ కారణంగా ఈ చిత్రం షూటింగ్‌ను తాత్కాలికంగా వాయిదావేశారు. ఈ చిత్రం షూటింగ్ చాలా మేరకు పూర్తయింది. కానీ, హీరోయిన్ మాత్రం ఎవరన్నది ఇప్పటివరకు ఖరారు కాలేదు. 
 
నిజానికి ఈ చిత్రం కోసం ఎంపిక చేసిన హీరోయిన్ త్రిష.. చిత్ర యూనిట్‌తో ఏర్పడిన అభిప్రాయభేదాల కారణంగా ప్రాజెక్టు నుంచి తప్పుకుంది. ఆ తర్వాత పలువురు హీరోయిన్లను సంప్రదించారట. వారిలో అనుష్క శెట్టి, కాజల్ అగర్వాల్‌తో పాటు మరికొందరు కూడా ఉన్నారు. కానీ, అనుష్క శెట్టి తన బిజీ షెడ్యూల్ కారణంగా డేట్స్ ఇవ్వలేక ఈ చిత్రంలో నటించేందుకు నో చెప్పినట్టు ఫిల్మ్ నగర్ వర్గాల సమాచారం. 
 
ఆ తర్వాత కాజల్ అగర్వాల్ పరిస్థితి కూడా అనుమానంగానే ఉన్నది. ఎందుకంటే.. ఆమె భారీ మొత్తంలో రెమ్యునరేషన్ డిమాండ్ చేసిందనే వార్తలు హల్చల్ చేశాయి. ఈ నేపథ్యంలో తాజాగా కాజల్ అగర్వాల్ స్వయంగా క్లారిటీ ఇచ్చింది. అయితే చిత్రయూనిట్ మాత్రం అధికారికంగా ఇప్పటివరకు హీరోయిన్ విషయంలో ఎటువంటి క్లారిటీ ఇవ్వలేదు. 
 
ఈ పరిస్థితుల్లో ఓ నెటిజన్ కాజల్‌కు ఇన్‌స్టాగ్రామ్‌లో ఓ ప్రశ్న సంధించాడు. దానికి కాజల్ ఆన్సర్ ఇస్తూ, చిరు సార్ సినిమాలో చేస్తున్నానని, ప్రస్తుతం షూటింగ్ హోల్డ్‌లో ఉండటం వల్ల.. ఇంటి దగ్గరే సినిమా కోసం రెడీ అయ్యేందుకు వర్క్ చేస్తున్నానని తెలిపింది. దీంతో చిరు 152 హీరోయిన్ విషయంలో క్లారిటీ వచ్చేసినట్లు అయ్యింది. కాగా, చిరంజీవి 150వ చిత్రంలోనూ కాజల్ అగర్వాల్ నటించిన విషయం తెల్సిందే. 

Share this Story:

Follow Webdunia telugu

తర్వాతి కథనం

చిరు, అల్లు అరవింద్ మధ్య ఏం జరిగింది? ఎందుకు సినిమా చేయడం లేదు?