పవర్ స్టార్ పవన్ కళ్యాణ్, క్రిష్ దర్శకత్వంలో రూపొందుతున్న చిత్రం "హరిహర వీరమల్లు". ఈ సినిమా పూర్తి చేసిన తర్వాత పవన్ కళ్యాణ్ హరీష్ శంకర్ దర్శకత్వంలో "ఉస్తాద్ భగత్ సింగ్" అనే సినిమా చేయనున్నాడు.
ఈ సినిమా తమిళ సినిమా "తెరి"కి రీమేక్ అనే సంగతి తెలిసిందే. ఇది రీమేక్ అయినప్పటికీ... హరీష్ శంకర్ కేవలం కథాంశాన్ని మాత్రమే తీసుకుని, పవన్ ఇమేజ్‌కి తగ్గట్టుగా స్క్రీన్‌ప్లేను పూర్తిగా మార్చేశాడు.
రచయిత, దర్శకుడు దశరథ్‌ ఈ సినిమా స్క్రిప్ట్‌పై కూడా వర్క్‌ చేస్తున్నారు. ఇదిలా ఉంటే ఈ సినిమా ఎలా ఉండబోతుందనేది ఇప్పుడు ఆసక్తికరం. "తెరి" సినిమాను తెలుగులో "పోలీసోడు"గా డబ్ చేసి విడుదల చేశారు దిల్ రాజు.
ఇప్పటికే తెలుగులో విడుదలైన ఈ సినిమాని ఇప్పుడు రీమేక్ చేయాలనే ఆసక్తి నెలకొంది. ఈ సినిమాలో బన్నీ హీరో కూతురు నటించబోతుందనే టాక్ వస్తోంది. తమిళ సినిమాలో ఆ పాత్రలో మీనా కూతురు నటించింది. ఫ్లాష్ బ్యాక్ ఎపిసోడ్ ఆమె పాత్రతో మొదలవుతుంది.
తెలుగు రీమేక్‌లో పవన్ కళ్యాణ్ కూతురిగా ఎవరు నటిస్తారనేది ఇప్పుడు ఆసక్తికరంగా మారింది. ఈ క్రమంలో ఓ క్రేజీ న్యూస్ చక్కర్లు కొడుతోంది. అదేంటంటే... బన్నీ కూతురు అల్లు అర్హ.. పవన్ సినిమాలో కనిపిస్తుందని టాక్ వస్తోంది.
ఇప్పటికే అల్లు అర్హ సమంత "శాకుంతలం"తో చైల్డ్ ఆర్టిస్ట్‌గా సినీ ఇండస్ట్రీకి ఎంట్రీ ఇవ్వబోతోంది. ఇప్పుడు ఆమెను పవన్ కళ్యాణ్ సినిమాలో కూడా నటింపజేయాలనుకుంటున్నారు. ఈ విషయంపై హరీష్ శంకర్ ఇప్పటికే అల్లు కుటుంబాన్ని సంప్రదించినట్లు సమాచారం.
