Select Your Language

Notifications

webdunia
webdunia
webdunia
webdunia
Advertiesment

రాజమౌళికి షాక్.. ఆర్ఆర్ఆర్ నుంచి అలియా భట్ ఔట్?

webdunia
బుధవారం, 18 మార్చి 2020 (14:39 IST)
దర్శకధీరుడు ఎస్ఎస్ రాజమౌళి తెరకెక్కిస్తున్న చిత్రం "ఆర్ఆర్ఆర్". జూనియర్ ఎన్టీఆర్, రాంచరణ్‌లు హీరోలుగా నటిస్తున్నారు. ఈ చిత్రం షూటింగ్ శరవేగంగా సాగుతోంది. ఈ యేడాది జూలై నెలాఖరులో రిలీజ్ కావాల్సివుండగా, హీరోయిన్ల సమస్యతో పాటు.. ఇతర కారణాల రీత్యా ఈ చిత్రం విడుదల వచ్చే యేడాదికి పోస్ట్ పోన్ అయింది. 
 
ప్రస్తుతం 'ఆర్ఆర్ఆర్' చిత్రానికి సంబంధించిన పూణె షెడ్యూల్ కరోనా వైరస్ కారణంగా వాయిదా పడిన సంగతి తెలిసిందే. ఈ చిత్రంలో రామ్ చరణ్‌కు జంటగా బాలీవుడ్ నటి అలియా భట్‌ను ఎంపిక చేశారు. పూణె షెడ్యూల్‌కు ఆమె రావాల్సి ఉంది. అయితే, ఈ షెడ్యూల్ వాయిదా పడటంతో... ఈ చిత్రం నుంచి ఆమె తప్పుకునే అవకాశాలు ఉన్నాయని సమాచారం. 
 
బాలీవుడ్‌లోని బిజీ తారల్లో అలియా భట్ కూడా ఒకరు. దీంతో, ప్రతి సినిమాకు పక్కా ప్లానింగ్‌తో ఆమె డేట్స్ ఇస్తుంటుంది. ఇప్పుడు రాజమౌళి చిత్రం వాయిదా పడటంతో... తర్వాతి రోజుల్లో ఈ చిత్రానికి డేట్స్ అడ్జెస్ట్ చేయడం అలియాకు కష్టంగా మారిందట. 
 
ఒకవేళ ఈ చిత్రం నుంచి అలియా తప్పుకుంటే... ఆమె స్థానంలో ఎవరిని ఎంపిక చేస్తారనే విషయం ఆసక్తికరంగా మారింది. ఇప్పటికే కొన్ని కారణాల వల్ల బ్రిటన్ నటి డైసీ ఎడ్గర్ జోన్స్ తప్పుకోవడంతో... ఆమె స్థానంలో ఒలీవియా మారిస్‌ను ఎంపిక చేశారు. 

Share this Story:

Follow Webdunia Hindi

తర్వాతి కథనం

'అన్నయ్య - తమ్ముడు'కి కరోనా కష్టాలు : కొత్త సినిమాల్లో జాప్యం!