నందమూరి బాలకృష్ణ వారసుడు మోక్షజ్ఞ ఫిల్మ్ ఇండ‌స్ట్రీలో ఎంట్రీ ఇచ్చేందుకు రెడీ అవుతున్న సంగతి తెలిసిందే. గత రెండేళ్లుగా మోక్షజ్ఞ ఎంట్రీపై రకరకాల వార్తలు ప్ర‌చారంలోకి వ‌చ్చాయి. కానీ.. ఇప్ప‌టివ‌ర‌కు ఈ ప్ర‌తిష్టాత్మ‌క చిత్రం గురించి అధికారికంగా ఎలాంటి వార్త బ‌య‌ట‌కు రాలేదు. తాజాగా మోక్షజ్ఞ ఫ‌స్ట్ మూవీ గురించి ఓ ఇంట్ర‌స్టింగ్ న్యూస్ బ‌య‌ట‌కు వ‌చ్చింది. అది ఏంటంటే... ప్ర‌స్తుతం మోక్షజ్ఞ విదేశాల్లో యాక్టింగ్ లో ట్రైనింగ్ తీసుకుంటున్నాడు. త్వ‌ర‌లోనే మోక్షజ్ఞ ఫ‌స్ట్ మూవీ ప్రారంభం కానుంద‌ని.
అయితే.. ఈ సంచ‌ల‌న చిత్రానికి ద‌ర్శ‌కత్వం వ‌హించే అవ‌కాశాన్ని బోయపాటి శ్రీను లేదా క్రిష్‌కి అప్ప‌చెప్పాల‌నే ఆలోచ‌న‌లో బాలయ్య ఉన్నార‌ని వార్తలు వ‌స్తున్నాయి. వీరిద్ద‌రితో పాటు ఈ లిస్ట్‌లోకి మరో దర్శకుడి పేరు వచ్చి చేరింది. అత‌నే డేరింగ్ & డాషింగ్ డైరెక్టర్ పూరి జగన్నాథ్. మోక్షజ్ఞ ఎంట్రీ పూరి డైరెక్ష‌న్లో‌నే ఉంటుంద‌ని జోరుగా ప్ర‌చారం జ‌రుగుతోంది. మెగా పవర్‌ స్టార్‌ రామ్‌చరణ్‌తో పాటు సాండల్‌వుడ్‌ స్టార్‌ హీరో పునీత్‌ రాజ్‌ కుమార్‌, యంగ్ హీరో ఇషాన్‌లను వెండితెరకు పరిచయం చేశాడు పూరి.
మాస్, యూత్‌ ఆడియన్స్‌ను ఆకట్టుకునే చిత్రాలు తెరకెక్కించటంలో పూరి స్పెషలిస్ట్‌. ఇటీవ‌ల పూరి తీసిన సినిమాల‌న్నీ ఫ్లాప్ అయ్యాయి. అయినా పూరి చేతిలో మోక్షజ్ఞను బాలయ్య పెడ‌తాడా అనేది తెలియాలంటే కొన్ని రోజులు ఆగాల్సిందే.
