స్టాలిన్ తర్వాత మెగాస్టార్ చిరంజీవి, గ్లామర్ క్వీన్ త్రిష జోడీ కట్టనున్నారు. బంగార్రాజు ఫేమ్ కల్యాణ్ కృష్ణ కురసాల దర్శకత్వం వహించే ఈ చిత్రం కోసం నటీనటుల ఎంపిక జరుగుతోంది. తండ్రీ కొడుకుల నేపథ్యంలో ఈ సినిమా రూపొందనుందని టాక్.
ఈ సినిమాలోనే చిరంజీవి భార్యగా త్రిషగా కనిపించనుందని తెలిసింది. త్వరలోనే అధికార ప్రకటన రానుంది. ఈ చిత్రంలో యంగ్ హీరో డీజె టిల్లు ఫేమ్ సిద్ధు జొన్నలగడ్డ కూడా ఓ కీలక పాత్ర పోషించనున్నారట.
చిరంజీవి తనయ సుస్మిత కొణిదెల చిత్రాన్ని నిర్మిస్తున్నారు. మలయాళంలో సూపర్ హిట్‌గా నిలిచిన ‘బ్రో డాడీ’కి రీమేక్‌గా ఈ మూవీ రూపొందనుందట.
