తెలుగమ్మాయి ఈషా రెబ్బ లేటుగా వచ్చినా ప్రేక్షకులను ఎట్రాక్ట్ చేస్తోంది. గత ఏడాది ఈషా అరవింద సమేత సినిమాలో అరవింద చెల్లిగా కనిపించిన సంగతి తెలిసిందే. అలాగే సుమంత్ హీరోగా నటించిన సుబ్రహ్మణ్య పురంలో కూడా కనిపించిన ఈ బ్యూటీ హిట్టయితే అందుకోలేదు గాని నటనాపరంగా మంచి మార్కులే కొట్టేసింది.
తాజాగా 'ఢమరుకం' ఫేమ్ శ్రీనివాస రెడ్డి దర్శకత్వంలో కథానాయిక ప్రాధాన్యత కలిగిన ఒక సినిమా చేయడానికి గ్రీన్ సిగ్నల్ ఇచ్చింది. ఈ సినిమా సెట్స్ పైకి వెళ్లడానికి సన్నాహాలు చేసుకుంటూ ఉండగానే, తమిళంలో ఒక సినిమా ఛాన్స్ వచ్చింది.
యంగ్ హీరో, సంగీత దర్శకుడు జీవీ ప్రకాశ్ కుమార్ కథానాయకుడిగా నటించనున్న ఈ సినిమాకి, ఏజిల్ దర్శకుడిగా వ్యవహరించనున్నాడు. తమిళంలో ఈషా రెబ్బకి ఇది రెండవ సినిమా. జీవీతో సినిమా అంటే లిప్ లాక్‌లు, హాట్ సన్నివేశాలు తప్పకుండా వుంటాయని.. దీంతో గ్లామర్ డోస్ ఈషా పెంచేస్తే తప్పకుండా అవకాశాలు రావడం ఖాయమని సినీ పండితులు జోస్యం చెప్తున్నారు.
