తెలంగాణలో కొత్త ఇంటర్ పరీక్షల షెడ్యూల్ వెల్లడి

తెలంగాణ రాష్ట్ర ప్రభుత్వం కొత్త ఇంటర్ పరీక్షల షెడ్యూల్‌ను ప్రకటించింది. జేఈఈ మెయిన్స్ ఎంట్రెన్స్ 2022 తేదీల్లో మార్పులు చోటుచేసుకోవడంతో రాష్ట్రంలో కూడా ఇంటర్ పరీక్షల తేదీల్లో మార్పులు చేశారు. ఈ మార్పులు చేసిన ఇంటర్ పరీక్షల షెడ్యూల్‌ను తాజాగా ప్రకటించారు. 

ఇందులోభాగంగా, ఏప్రిల్ 22వ తేదీ నుంచి జరగాల్సిన ఇంటర్ పరీక్షలను మే 6వ తేదీ నుంచి ప్రారంభించాలన్న నిర్ణయించారు. దీంతో తెలంగాణాలో మే 6వ తేదీ నుంచి ఇంటర్ పరీక్షలు ప్రారంభంకానున్నాయి. ఈ మేరకు సవరించిన ఇంటర్ పరీక్షల టైమ్ టేబుల్‌ను ఆ రాష్ట్ర విద్యాశాఖ వెల్లడించింది. 

ఈ పరీక్షలను మే 6వ తేదీ నుంచి 24వ తేదీ వరకు నిర్వహించనుండగా, ఉదయం 9 గంటల నుంచి మధ్యాహ్నం 12 గంటల వరకు నిర్వహించనున్నట్టు ఓ ప్రకటనలో ఇంటర్ బోర్డు తెలిపింది. మారిన ఇంటర్ షెడ్యూల్ ప్రకారం... 

మే 6న సెకండ్ లాంగ్వేజ్, 9న ఇంగ్లీష్, 11న మ్యాథ్స్, వృక్షశాస్త్రం, పొలిటికల్ సైన్స్, 13న మ్యాథ్య్-2, జువాలజీ, హిస్టరీ, 16న ఫిజిక్స్, ఎకనామిక్స్, 18న కెమిస్ట్రీ, కామర్స్, 20న పబ్లిక్ అడ్మినిస్ట్రేషన్, బ్రిడ్జి కోర్సు, మ్యాథ్స్ పేపర్-1, 23న మోడ్రన్ లాంగ్వేజెస్, జియోగ్రఫి. 

ద్వితీయ సంవత్సర షెడ్యూల్‌ను పరిశీలిస్తే, మే 7న సెకండ్ లాంగ్వేజ్, 10న ఇంగ్లీష్, 12న మ్యాథ్స్ -2ఏ, వృక్షశాస్త్రం, పొలిటకల్ సైన్స్, 14న మ్యాథ్స్-బి, జువాలజీ, హిస్టరీ, 17న ఫిజిక్స్, ఎకనామిక్స్, 19న కెమిస్ట్రీ, కామర్స్, 21న పబ్లిక్ అడ్మినిస్ట్రేషన్, బ్రిడ్జి కోర్సు, మ్యాథ్స్ పేపర్-2, 24న లాంగ్వేజెస్, జియోగ్రఫీ పరీక్షలను నిర్వహిస్తారు.