టాలీవుడ్ సెలెబ్రిటీలపై ఇష్టానుసారంగా నోరు పారేసుకుని పాపులర్ అయి శాక్రిఫైజ్ స్టార్‌గా గుర్తింపు పొందిన సునిశిత్‌ను పోలీసులు అరెస్టు చేశారు. మేడ్చల్ జిల్లా కీసర పోలీసులు సునిశిత్‌‌కు దిమ్మతిరిగే షాక్ ఇచ్చారు. నకిలీ వీడియోలను సృష్టించి ఓ పోలీస్ అధికారిపై తప్పుడు ఆరోపణలు చేసిన కేసులో అతడిని అరెస్టు చేశారు.
తెలంగాణ రాష్ట్రంలోని జనగామ జిల్లాకు చెందిన సునిశిత్‌ ఓ కాలేజీ‌లో లెక్చరర్‌గా పని చేశాడు. అయితే కాలేజీ‌లో లెక్చరర్‌గా పనిచేస్తున్న సమయంలో ఓ విద్యార్థిని పట్ల అసభ్యంగా ప్రవర్తించాడు. ఈ నేపథ్యంలోనే గతంలో జైలుకు వెళ్లాడు. ఆ తర్వాత విడుదలైన సునిశిత్‌… టాలీవుడ్ హీరోలపై సెటైర్లు వేస్తూ బాగా పాపులర్ అయ్యాడు.
అంతేకాదు సినీ ప్రముఖులపై తప్పుడు ప్రచారం చేస్తూ ఓ కేసులో కూడా బుక్కయ్యాడు. ఇక తాజాగా మల్కాజ్‌గిరి పోలీస్ స్టేషన్‌లో పనిచేసే ఓ పోలీస్ అధికారిపై తప్పుడు వీడియో పోస్ట్ చేశాడు. ఈ అధికారి ఫిర్యాదుతో రంగంలోకి దిగిన కీసర పోలీసులు కేసు నమోదు చేసి అరెస్టు చేశారు.
