Select Your Language

Notifications

webdunia
webdunia
webdunia
webdunia

పంట పొలంలో భారీ మొసలి .. జడుసుకున్న రైతు

Advertiesment
crocodile
, సోమవారం, 20 మార్చి 2023 (11:40 IST)
తెలంగాణ రాష్ట్రంలోని వనపర్తి జిల్లా పెద్దమందడి మండలం వెల్దూరులోని పంట పొలాల్లో ఓ భారీ మొసలి కనిపించింది. దీన్ని చూసిన రైతులు జడుసుకున్నారు. అదేసమయంలో ఈ మొసలి రైతులను కూడా ముప్పతిప్పలు పెడుతుంది. గ్రామానికి చెందిన బాల్ రెడ్డి ఆదివారం గ్రామ సమీపంలోని చెరువు వెనుక ఉన్న తన వరిపొలం వద్దకు వెళ్లాడు. అపుడు ఆయన పొలం గట్టుపై నడుస్తుండగా పొలంలో భారీ మొసలి కనిపించింది. దీంతో ఆయన గుండె ఆగిపోయినంత పనైంది. 
 
గట్టుపై అలికిడి కావడంతో మొసలి పక్కనే ఉన్న సర్పంచ్ శ్రీనివాసరెడ్డి పొలంలోకి పాకుకుంటూ వెళ్లిపోయింది. ఆయన సర్పంచ్‌‍కు ఫోన్ చేసి భారీ మొసలి గురించిన సమాచారం అందించారు. ఆయన వెంటనే వనపర్తిలోని సాగర్ స్నేక్ సొసైటీకి నిర్వాహకుడు కృష్ణసాగర్‌కు సమాచారం అందించగా, ఆయన తన సిబ్బందితో అక్కడకు వచ్చి ఆ మొసలిని బంధించే ప్రయత్నం చేశారు. 
 
అయితే, వారికి వీలుపడకపోవడంతో ప్రొక్లైన్ సాయంతో మొసలి బంధించి పంట పొలాల నుంచి బయటకు తీశారు. సమాచారం అందుకున్న పోలీసులు కూడా అక్కడకు చేరుకోవడంతో వారంతా కలిసి మొసలిని తాళ్ళతో బంధించిన అటవీ శాఖ అధికారులు సూచన మేరకు జూరాల ప్రాజెక్టులో వదిలిపెట్టారు. 

Share this Story:

Follow Webdunia telugu

తర్వాతి కథనం

ప్రయాణ దూరం 21 కిలోమీటర్లు - ఉబర్ క్యాబ్ బిల్లు రూ.1525.. ఎక్కడ?