Select Your Language

Notifications

webdunia
webdunia
webdunia
Friday, 4 April 2025
webdunia

గ్రేటర్ హైదరాబాద్‌లో రికార్డు వర్షపాతం.. 2 గంటల్లో 8 సెంటీమీటర్లు..

Advertiesment
rain
, బుధవారం, 26 ఏప్రియల్ 2023 (08:33 IST)
గ్రేటర్ హైదరాబాద్ మున్సిపాలిటీ పరిధిలో మంగళవారం రికార్డు స్థాయిలో కుండపోత వర్షం కురింసింది. రెండు గంటల వ్యవధిలో ఏకంగా 8 సెంటీమీటర్ల మేరకు వర్షం కురిసింది. ఈ అకాల వర్షం కారణంగా అనేక లోతట్టు ప్రాంతాలు నీట మునిగాయి. ముఖ్యంగా, రామచంద్రాపురంలో 7.98, గచ్చిబౌలిలో 7.75, గాజులరామారంలో 6.5, కుత్బుల్లాపూర్‌లో 5.55, జీడిమెట్లలో 5.33 సెంటీమీటర్ల చొప్పున వర్షపాతం నమోదైంది. 
 
అలాగే, శేరిలింగంపల్లి, కేపీహెచ్‌బీ పరిధిలోనూ అదే మోతాదులో వర్షం కురిసింది. నడి వేసవిలో ఈ స్థాయిలో భారీ వర్షం పడటంతో ఇటీవలి కాలంలో ఇదే మొదటిసారి. 2015లో ఏప్రిల్ 12వ తేదీన అత్యధికంగా 6.1 సెంటీమీటర్ల వర్షపాతం నమోదైంది. ఈ రికార్డు తాజాగా బద్ధలైంది. వర్షంతో పాటు గంటకు 30 నుంచి 40 కిలోమీటర్ల వేగంతో గాలులు వీయడంతో నగర వాసులు వణికిపోయారు. 
 
గాలుల వేగానికి హైదరాబాద్‌లోని పలుచోట్ల చెట్ల కొమ్మలు., హోర్డింగులు విరిగి విద్యుత్తు తీగలపై పడడంతో జీహెచ్‌ఎంసీ పరిధిలో విద్యుత్తు సరఫరాకు తీవ్ర అంతరాయం కలిగింది. కొన్ని గంటలపాటు నగరంలోని అనేక ప్రాంతాలు అంధకారంలో ఉన్నాయి. రాత్రి 7 గంటల నుంచి 8.30 గంటల ప్రాంతంలో మెట్రోజోన్‌లో 89 ఫీడర్లు ట్రిప్‌ అయ్యాయి. రాత్రి 9 గంటల సమయంలో 22 ఫీడర్లలో సరఫరాను పునరుద్ధరించగా, మిగిలినవి మరమ్మతు దశలో ఉన్నాయి. 
 
మరోవైపు వాన తీవ్రతకు ప్రధాన రహదారులపై నీరు భారీగా చేరడంతో ఆబిడ్స్‌, లక్డీకాపూల్‌, అమీర్‌పేట, బంజారాహిల్స్‌ రోడ్‌ నం12, కూకట్‌పల్లి, మియాపూర్‌ మార్గాల్లో వాహనాలు ఎక్కడికక్కడ నిల్చిపోయాయి. ట్రాఫిక్‌కు తీవ్ర అంతరాయం ఏర్పడింది. భారీ వర్షాలతో రహ్మత్‌నగర్‌ డివిజన్‌ ఎస్పీఆర్‌హిల్స్‌ ఓంనగర్‌లో గోడకూలి 8 నెలల చిన్నారి జీవనిక మృత్యువాత పడింది. నిర్మాణంలో ఉన్న ఓ ఇంటి పిల్లర్‌ రేకుల ఇంటిపై పడడంతో గోడకూలి చిన్నారి మరణించింది. 

Share this Story:

Follow Webdunia telugu

తర్వాతి కథనం

పంజాబ్ మాజీ ముఖ్యమంత్రి ప్రకాశ్ సింగ్ బాదల్ ఇకలేరు..