తెలంగాణ రాష్ట్రంలోని యాదాద్రి - భువనగిరి జిల్లాలో ప్రత్యేకపూజల పేరుతో ఓ మహిళపై అత్యాచారం జరిగింది. ఈ దారుణానికి పాల్పడింది కూడా బురిడీ బాబాలు కావడం గమనార్హం.
తాజాగా వెలుగులోకి వచ్చిన ఈ వివరాలను పరిశీలిస్తే, రామన్నపేట మండలం మునిపంపులలో పూజల పేరుతో బురిడీ బాబాలు దంపతుల గొడవల్లో తలదూర్చారు. ఆ గొడవలు పరిష్కరించేందుకు ప్రత్యేక పూజలు చేయాలని నమ్మించారు. ఈ పూజల పేరుతో భాదితురాలిపై అత్యాచారం చేయడమే కాకుండా.. దానిని వీడియో తీసి బ్లాక్ మెయిల్ చేస్తూ.. భారీగా నగదు వసూలు చేశారు.
అయినా బెదిరింపులు ఆగక పోవడంతో చివరకు బాధితురాలు పోలీసులను ఆశ్రయించింది. పోలీసులు వీడియోలు డిలీట్ చేయించి.. బాధితురాలికి బాబాల నుంచి కొంత డబ్బు ఇప్పించారు. మిగితా డబ్బు ఇవ్వక పోవడంతో రాచకొండ సీపీని బాధితురాలు ఆశ్రయించింది.
వెలుగుచూసిన పోలీసులు, బాబాల బాగోతం విచారణలో వెలుగు చూసింది. ఈ కేసులో నిర్లక్ష్యం వహించడంతో పాటు పలు అవినీతి ఆరోపణలు రావడంతో రామన్నపేట సీఐ శ్రీనివాస్, ఎస్ఐ చంద్రశేఖర్‌లను సీపీ మహేష్ భగవత్ సస్పెండ్ చేశారు.
