కాటికి కాలు చాచిన వయసు.. నిలుచుంటే కూర్చోలేరు.. కూర్చుంటే నిలుచోలేరు.. కానీ మద్యం దుకాణాల వద్ద వరుసలో నిలబడి మా వంతు అంటూ వేచి చూశారు. సికింద్రాబాద్‌లో పలు వైన్ షాప్‌ల ముందు వృద్ధుల పరిస్థితి ఇది. దాని రేటు ఎంత వుందో తెలీదు.. కానీ మందు కావాలి.
నీకు అవసరమా.. ఇవ్వాళో రేపో అనేట్టు ఉన్నవానివి అని అంటే.. ఏమి చేయమంటావు బిడ్డా.. ఏ పొద్దు చావు వస్తాదో కానీ అలోపు నోట్లో కాస్త తీర్థం పోసుకుంటే.. జర మంచిగా పోత అంటూ మందు బాటిల్ చేతిలో పడగానే టాంగ్ టాంగ్ మంటూ మెట్లు దిగి వెళ్ళిపోయింది ఓ వృద్ధురాలు.
ఇదంతా చూసిన మద్యం బాబులు వామ్మో ఈ వయసులో వృద్ధురాలు మద్యం కోసం ఆమె కష్టాన్ని చూసి నోరు వెళ్లబెట్టారు. సికింద్రాబాద్‌లోని తుకారం గేట్, మారేడ్ పల్లి మద్యం షాప్‌ల ముందు కనిపించిన పరిస్థితి ఇది..
