మేడ్చల్ జిల్లా కీసరలో రేవ్ పార్టీ కలకలం రేపింది. స్థానికంగా ఉండే ఓ ఫెర్టిలైజర్ వ్యాపారి ఫామ్ హౌస్‌లో పలువురు వ్యక్తులు అమ్మాయిలతో చిందులేశారు. సమాచారం తెలుసుకున్న పోలీసులు ఫామ్ హౌస్కు చేరుకుని పార్టీలో పాల్గొన్న బేస్ర్ క్రాప్ సీడ్స్ కంపెనీ మేనేజర్‌ను, పది మంది అబ్బాయిలు, ఆరుగురు అమ్మాయిలు, సిద్దిపేట, వరంగల్, నల్గొండ, గజ్వేల్‌కు చెందిన సీడ్స్ డీలర్లను అరెస్టు చేశారు.
అసాంఘిక కార్యకలాపాలకు పాల్పడుతున్న వారిపై కఠిన చర్యలు తీసుకుంటామని పోలీసులు పదేపదే హెచ్చరిస్తున్నా.. ఇలాంటి ఘటనలు చోటుచేసుకోవడం విస్మయానికి గురిచేస్తోంది. ఆదివారం రాత్రి ఫారెస్ట్ రీడ్జ్ రిసార్ట్స్‌లోని ఓ విల్లాలో రేవ్ పార్టీ నిర్వహిస్తున్న 16 మందిని అరెస్ట్ చేసినట్లు కీసర పోలీసులు తెలిపారు. కేసు నమోదు చేసిన పోలీసులు విచారిస్తున్నారు. పోలీసులు అరెస్ట్ చేసిన వారి నుంచి మొబైల్ ఫోన్లు, వాహనాలను స్వాధీనం చేసుకున్నారు.
