Publish Date: Tue, 10 Sep 2024 (21:03 IST)
Updated Date: Tue, 10 Sep 2024 (21:09 IST)
హైదరాబాద్కు సమీపంలో రానున్న ఫ్యూచర్ సిటీ దేశంలోనే అత్యంత అధునాతనమైన, సాంకేతికతతో నడిచే ప్రదేశాలలో ఒకటిగా మారేందుకు తెలంగాణ ప్రభుత్వం ప్రయత్నాలు చేస్తోంది.
ఫ్యూచర్ సిటీలో నిర్మించడానికి స్కిల్ యూనివర్సిటీ, ఫార్మా హబ్, ఇంటర్నేషనల్ క్రికెట్ స్టేడియం, ఇతర మౌలిక సదుపాయాలతో సహా పలు కీలక ప్రాజెక్టులు ఇప్పటికే ఆమోదించబడ్డాయి. ఇప్పుడు ఈ ప్రాంతంలో వరల్డ్ ట్రేడ్ సెంటర్ తన శాఖను ఏర్పాటు చేస్తోందని టాక్ వస్తోంది.
రంగారెడ్డి జిల్లాకు చెందిన అధికారులు ప్రస్తుతం డబ్ల్యుటిసి నిర్మాణానికి ప్రణాళికలు సిద్ధం చేస్తున్నారు. వరల్డ్ ట్రేడ్ సెంటర్ అసోసియేషన్ ప్రతినిధులు కూడా హైదరాబాద్లో బ్రాంచ్ ఏర్పాటు చేసేందుకు ఆసక్తి చూపారు.
ప్రభుత్వం, అసోసియేషన్ మధ్య ఇటీవల ఒప్పందం కుదిరిన తరువాత, రెవెన్యూ, పరిశ్రమల శాఖ అధికారులు వరల్డ్ ట్రేడ్ సెంటర్ నిర్మాణానికి అనువైన స్థలాన్ని ఎంపిక చేసే పనిలో ఉన్నారు.
తొలుత ఈ ప్రాజెక్టు కోసం 50 ఎకరాలు కేటాయించాలని ప్రభుత్వం భావించింది. అయితే, భవిష్యత్తులో విస్తరణలు, పార్కింగ్ సౌకర్యాలకు అనుగుణంగా WTC అదనంగా 20 ఎకరాలను అభ్యర్థిస్తోంది.
