తెలంగాణ రాష్ట్ర రోడ్డు రవాణా సంస్థ (టీజీఎస్సార్టీసీ) నగరం నుండి నాగార్జున సాగర్‌కు ప్రత్యేక బస్సు సర్వీసులను నడపనుంది. రాష్ట్రంలో కురుస్తున్న వర్షాల దృష్ట్యా గత వారం రోజులుగా డ్యామ్‌లోకి వరద నీరు భారీగా వచ్చి చేరుతోంది. దీంతో రిజర్వాయర్‌లో నీరు పూర్తి స్థాయికి చేరుకోవడంతో ముఖ్యంగా హైదరాబాద్ నుంచి వచ్చే సందర్శకుల సంఖ్య క్రమంగా పెరుగుతోంది.
ఈ నేపథ్యంలో ఎంజీబీఎస్ నుంచి నాగార్జున సాగర్ వరకు ప్రత్యేక డీలక్స్ బస్సులు నడుపుతున్నట్లు ఆర్టీసీ అధికారులు తెలిపారు. ఈ ప్రత్యేక బస్సులు ఎంజీబీఎస్ నుంచి నాగార్జున సాగర్‌కు ఉదయం 5, 6.45, 7.15, 7.30, 8, 9.45, 10.45, మధ్యాహ్నం 2.30, సాయంత్రం 5, సాయంత్రం 5.40 గంటలకు బయలుదేరుతాయి.
ప్రయాణికుల సౌకర్యార్థం డీలక్స్ బస్సులు ఎంజీబీఎస్ నుండి నాగార్జున సాగర్‌కు నేరుగా నడుస్తాయి. డ్యామ్‌ను సందర్శించాలనుకునే పర్యాటకులు సౌకర్యవంతమైన సురక్షితమైన ప్రయాణం కోసం టీజీఎస్సార్టీసీ సేవలను ఉపయోగించుకోవాలని ఆర్టీసీ అధికారులు తెలిపారు.
