టీఎస్సార్టీసీకి చెందిన రెండు బస్సులు పూర్తిగా దగ్ధమయ్యాయి. మంగళవారం రాత్రి, కుషాయిగూడ బస్ డిపోలో ఈ ఘటన చోటుచేసుకుంది. ఒక బస్సులో మంటలు చెలరేగి, ఆ బస్సులు దగ్గరగా ఉండటం వల్ల త్వరగా మరొక బస్సుకు వ్యాపించాయి. ఈ ఘటనలో తెలంగాణ ఆర్టీసీ బస్సులు పూర్తిగా దగ్ధమయ్యాయి. వెంటనే అధికారులు అప్రమత్తమై.. అగ్నిమాపక దళానికి సమాచారం అందజేశారు.
అగ్నిమాపక అధికారులు వెంటనే సంఘటనా స్థలానికి చేరుకుని మంటలను ఆర్పారు. దీంతో మరింత నష్టం జరగకుండా నిరోధించడం జరిగింది. ఈ ఘటనలో ఎవరికీ ఎటువంటి గాయాలు లేదా మరణాలు సంభవించలేదు. అగ్నిప్రమాదానికి గల కారణాలు ఇంకా దర్యాప్తులో ఉన్నాయి. దీనిపై అధికారులు దర్యాప్తు చేస్తున్నారు.
