పెసర పప్పుతో లడ్డూలు

File FILE

కావలసిన పదార్థాలు :
చాయపెసర పప్పు... ఒక కేజీ
పంచదార... ఒకటింపావు కిలో
నెయ్యి... 400 గ్రాములు
జీడి పప్పు... 50 గ్రాములు
యాలకుల పొడి... సరిపడా
పచ్చ కర్పూరం... చిటికెడు
లెమన్ ఫుడ్ కలర్... అర టీస్పూను
నీళ్లు... సరిపడా

తయారీ విధానం :
ముందుగా పెసర పప్పును మిక్సీలో వేసి మెత్తగా పొడి చేసి పెట్టుకోవాలి. స్టవ్‌పై ఒక గిన్నె పెట్టి అందులో పంచదార వేసి సరిపడా నీళ్లుపోసి ఫుడ్ కలర్, పచ్చకర్పూరం, యాలకుల పొడిని కలపి తీగ పాకం వచ్చే వరకూ కలియబెట్టాలి.

ఆ తరువాత పెసరపొడి, కొంచెం కొంచెంగా నేయిని జతచేస్తూ బాగా కలిపి దించాలి. గోరు వెచ్చగా ఉన్నప్పుడు ఓ మోస్తరు సైజులో ముద్దలుగా తీసుకుని ఒక్కో ముద్దపైన ఒక్కొక్క జీడి పప్పు పెట్టి లడ్డూలుగా చేసుకోవాలి. అంతే రుచికరమైన పెసరలడ్డూలు రెడీ.