దీపావళి పండగ అయిపోయింది. కార్తీక మాసం వచ్చేసింది. అరిసెలు తిని బోర్ కొట్టేసిన వారు సేమియాతో సింపుల్ స్వీట్ లడ్డూ ఎలా చేయాలో తెలుసుకోండి.
కావలసిన పదార్థాలు :
సేమియా - అర కేజీ
అర కప్పు - మైదా పిండి
తురిమిన కొబ్బరి - అర కప్పు
తెల్ల నువ్వులు - ఒక కప్పు
పంచదార - నాలుగు కప్పులు
నట్స్ - ఒక కప్పు
తయారీ విధానం :
ముందుగా స్టౌ మీద బాణలి పెట్టి వేడయ్యాక తెల్లనువ్వులు, సేమియా, కొబ్బరి, నట్స్ వేసి వేయించుకోవాలి. అవి చల్లారాక వాటిని మిక్సీలో వేసి పొడిగా చేసుకోవాలి. అలాగే పంచదారను కూడా పొడిగా చేసుకుని సేమియా, మైదా మిశ్రమంలో కలిపి పక్కన బెట్టేయాలి. మరో పాత్రలో బీట్ రూట్‌ను శుభ్రంగా కడిగి గిన్నెలో వేసి ఉడికించుకోవాలి.
ఉడికిన బీట్ రూట్‌ను మిక్సిలో వేసి రుబ్బుకోవాలి. సిద్ధమైన మిశ్రమాన్ని ఒక పలుచటి వస్త్రంలో తీసుకుని పిండితే బీట్రూట్ రసం వచ్చేస్తుంది. ఈ రసాన్ని సేమియా మిశ్రమంలో కలిపి ఉండలుగా తయారు చేసుకోవాలి. ఈ లడ్డూలను కొబ్బరికోరులో అద్దిన తర్వాత బాదం, జీడిపప్పుతో అలంకరిస్తే సేమియా లడ్డూ రెడీ అయినట్లే.
