Select Your Language

Notifications

webdunia
webdunia
webdunia
webdunia
Advertiesment

"కైమా ఉండలు" ఎలా తయారు చేస్తారు?

, సోమవారం, 1 సెప్టెంబరు 2014 (13:24 IST)
కావలసిన పదార్థాలు :
కైమా.. అర కేజీ
నూనె.. ఒకటిన్నర కప్పు
ఉల్లిపాయలు.. ఐదు
వెల్లుల్లి.. ఆరు
కోడిగుడ్డు.. ఒకటి
అల్లంముక్క.. కాస్తంత
వేయించిన శనగపప్పు.. 4 టీ.
లవంగాలు.. 3
దాల్చిన చెక్క.. 3
యాలకులు.. 2
ధనియాలు.. 2 టీ.
పసుపు, ఉప్పు, కారం.. తగినంత
 
తయారీ విధానం :
కైమాను శుభ్రం చేసుకోవాలి. అల్లం, వెల్లుల్లిని ముద్దగా నూరుకోవాలి. ఉల్లిపాయలను సన్నగా తరిగి ఉంచాలి. శెనగపప్పును పొడి చేసి ఉంచాలి. ఒక గిన్నె స్టవ్‌పై ఉంచి, అందులో కైమా, ఉప్పు, పసుపు, కారం, అల్లం వెల్లుల్లి పేస్ట్, లవంగాలు, దాల్చిన చెక్క, యాలకులు, ఉల్లిపాయ ముక్కల్ని వేసి కలియబెట్టి నీళ్లు పోయకుండానే ఉడికించాలి.
 
కైమా బాగా ఉడికాక దించి, శెనగ పొడి వేయాలి. దాంట్లోనే కోడిగుడ్డు పగులగొట్టి బాగా కలిపి ఉంచి, మిశ్రమాన్ని కావాల్సిన సైజులో ఉండలు చేసుకోవాలి. ఇప్పుడు బాగా కాగుతున్న నూనెలో కైమా ఉండలను వేసి ఎర్రగా వేయించి తీసేయాలి. అంతే వేడి వేడి రుచికరమైన కైమా ఉండలు సిద్దం.
 
ఈ కైమా ఉండలను ఆపరేషన్ చేయించుకున్నవారికి బలం వచ్చేందుకు తినిపిస్తుంటారు. రుచిగా ఉండటమేగాకుండా, శరీరానికి బలాన్నిచ్చే ఈ కైమా ఉండలను ఇష్టపడనివారుండరంటే అతిశయోక్తి కాదు. మీరూ ఓసారి ట్రైచేసి చూడండి మరి..!! 

Share this Story:

Follow Webdunia telugu