స్పెయిన్ సంచలనం కార్లోస్ అల్కరాజ్ మరోమారు సంచలనం సృష్టించారు. ప్రతిష్టాత్మక వింబుల్డన్ గ్రాండ్ స్లామ్ టెన్నిస్ టోర్నీ టైటిల్‌ను వరుసగా రెండోసారి కైవసం చేసుకున్నాడు. ఆదివారం ఏకపక్షంగా సాగిన పురుషుల సింగిల్స్ ఫైనల్లో 21 ఏళ్ల అల్కరాజ్ 6- 2, 6-2, 7-6తో దిగ్గజ క్రీడాకారుడు నొవాక్ జకోవిచ్‌ను ఓడించాడు.
తొలి రెండు సెట్లలో అల్కరాజ్ జోరుకు ఎదురులేకుండా పోయింది. మూడో సెట్లో జకోవిచ్ నుంచి ప్రతిఘటన ఎదురు కాగా, ఆ సెట్ టైబ్రేకర్‌కు మళ్లింది. టైబ్రేకర్‌లో విజృంభించిన అల్కరాజ్ 7-4తో గెలిచి, జకోవిచ్‌పై చిరస్మరణీయ విజయం నమోదు చేశాడు. ఈ మ్యాచ్‌లో జకోవిచ్ అనేక అనవసర తప్పిదాలు చేయడంతో భారీ మూల్యం చెల్లించుకున్నాడు. దీంతో టైటిల్‌ను తృటిలో కోల్పోయాడు.
కాగా, 2023లోనూ కూడా అల్కరాజ్ వింబుల్డన్ టైటిల్ నెగ్గాడు. అప్పుడు కూడా జకోవిచ్ తోనే ఫైనల్ ఆడాడు. ఈ యేడాది ఇప్పటికే ఫ్రెంచ్ ఓపెన్ గ్రాండ్ స్లామ్‌ను ఖాతాలో వేసుకున్న స్పెయిన్ యువకిశోరం అల్కరాజ్, వింబుల్డన్‌ను కూడా చేజిక్కించుకుని ఈ ఏడాది రెండో మేజర్ టైటిల్‌ను చేజిక్కించుకున్నాడు.
