ఫ్రెంచ్ ఓపెన్ : తెలుగుతేజం కిదాంబి శ్రీకాంత్‌ గెలుపు

ఫ్రెంచ్ ఓపెన్ సిరీస్‌ విజేతగా తెలుగుతేజం కిదాంబి శ్రీకాంత్ నిలిచాడు. పురుషుల సింగిల్స్‌ బ్యాడ్మింటన్‌ టైటిల్‌ను కైవసం చేసుకున్నాడు. ఆదివారం జరిగిన ఫైనల్‌లో జపాన్‌ క్రీడాకారుడు కెంటా నిషిమోటోపై 21-14,

సోమవారం, 30 అక్టోబరు 2017 (09:25 IST)
ఫ్రెంచ్ ఓపెన్ సిరీస్‌ విజేతగా తెలుగుతేజం కిదాంబి శ్రీకాంత్ నిలిచాడు. పురుషుల సింగిల్స్‌ బ్యాడ్మింటన్‌ టైటిల్‌ను కైవసం చేసుకున్నాడు. ఆదివారం జరిగిన ఫైనల్‌లో జపాన్‌ క్రీడాకారుడు కెంటా నిషిమోటోపై 21-14, 21-13 తేడాతో గెలుపొందాడు. గత వారం డెన్మార్క్‌ ఓపెన్‌ టైటిల్‌ను గెలుచుకున్న శ్రీకాంత్‌.. వరుసగా రెండో టైటిల్‌ సాధించడం విశేషం. శ్రీకాంత్‌ టైటిల్‌ ఫేవరెట్‌గా బరిలోకి దిగినా.. ఆరంభంలో మాత్రం పోటాపోటీగా సాగింది. 
 
ఈ విజయంపై శ్రీకాంత్ స్పందిస్తూ, ‘టాప్‌ ర్యాంక్‌ గురించి పెద్దగా ఆలోచించడం లేదు. వరుస విజయాలతో కెరీర్‌ బెస్ట్‌ ర్యాంక్‌ సాధిస్తానని అనుకుంటున్నా. కానీ అగ్రస్థానాన్ని కైవసం చేసుకోవడం కష్టమే. ఎందుకంటే అక్సెల్‌సెన్‌కు నాకు పాయింట్ల అంతరం చాలా ఉంది. టాప్‌ ర్యాంక్‌ను కైవసం చేసుకోవడం ఆనందమే కానీ.. దానిపైనే దృష్టిపెట్టను. ప్రస్తుత ఫామ్‌పై సంతోషంగా ఉన్నా.. భవిష్యత్‌ టోర్నీలపై కోచ్‌తో చర్చించి నిర్ణయం తీసుకుంటా’నని మ్యాచ్‌ అనంతరం శ్రీకాంత్‌ చెప్పాడు.
 
ఫ్రెంచ్‌ ఓపెన్‌ టైటిల్‌ సాధించిన శ్రీకాంత్‌ను తెలుగు రాష్ట్రాల గవర్నర్‌ ఈఎస్ఎల్ నరసింహన్‌, ఏపీ సీఎం చంద్రబాబు అభినందించారు. వరుస విజయాలతో శ్రీకాంత్‌.. తెలుగు రాష్ట్రాలకు కీర్తిప్రతిష్ఠలు తెచ్చాడని కొనియాడారు. 

వెబ్దునియా పై చదవండి

తర్వాతి కథనం కాన్పూర్ వన్డేలో కోహ్లీ సేన గ్రేట్ విక్టరీ... సిరీస్ కైవసం