అయ్యో పాపం.. జిమ్నాస్టిక్స్ చేస్తుంటే కాళ్లు రెండూ విరిగిపోయాయి... (వీడియో)

మంగళవారం, 9 ఏప్రియల్ 2019 (10:56 IST)
జిమ్నాస్టిక్స్ చేసేటప్పుడు అందులో పాల్గొనే జిమ్నాస్ట్‌లకు కొన్నిసార్లు గాయాలు అవుతుంటాయి, కాళ్లు బెణుకుతుంటాయి. వాపులు వస్తుంటాయి. లేదంటే కండరాలు పట్టేస్తుంటాయి. అంతా సవ్యంగా సాగితే సరి, లేకపోతే ఏదైనా ప్రమాదం జరగొచ్చు. కాళ్లు చేతులు విరగవచ్చు, ఎముకలు విరగవచ్చు, కీళ్లు నొప్పులు కలగవచ్చు. ఇలాంటి సంఘటనే ఒకటి అమెరికాలో చోటు చేసుకుంది. 
 
ఎంతో నేర్పరితనంతో వ్యవహరిస్తే కానీ ఇలాంటి క్రీడల్లో పాల్గొనలేరు. ఇలాంటి తర్ఫీదును తీసుకున్నప్పటికీ కూడా అమెరికాకు చెందిన సమంతా సెరియో అనే జిమ్నాస్ట్ నేషనల్ కాలేజియేట్ అథ్లెటిక్ అసోషియేషన్ (ఎన్సీఏఏ) బాటన్ రఫ్ రీజనల్ ఈవెంట్‌లో పాల్గొనే సమయంలో జిమ్ మ్యాట్‌పై ల్యాండ్ అయ్యే తరుణంలో మ్యాట్‌పై కాళ్లను సరిగా ల్యాండ్ చేయలేకపోయింది. 
 
ఈ క్రమంలో ఆమె రెండు కాళ్లు మోకాళ్ల వరకు విరిగి పోయాయి. ఆమె నొప్పి, బాధతో ఒక్కసారిగా గట్టిగా కేకలు వేసింది. అక్కడే ఉన్న టోర్నమెంట్ అధికారులు, అలాగే టీమ్ సభ్యులు సైతం ఆమెను అలాగే చూస్తుండిపోయారు. ఆమెను స్ట్రెచర్‌పై మోసుకుంటూ అక్కడి నుంచి తీసుకెళ్లి హాస్పిటల్‌లో చేర్చారు. ఏది ఏమైనా అలాంటి సన్నివేశాలను చూసినప్పుడు మనకు భయంతో పాటు బాధకలుగుతుంది. ఆ వీడియోని మీరు ఓ సారి చూడండి. 

వెబ్దునియా పై చదవండి

సంబంధిత వార్తలు

తర్వాతి కథనం హెయిర్ స్టయిలిస్ట్‌గా మారిన చెన్నై సూపర్ కింగ్స్ ఆటగాడు..