ఆంజనేయం మహావీరం 1 బ్రహ్మవిష్ణు శివాత్మకం
బాలార్క సదృశాభాసం 1 రామదూతం నమామ్యహమ్ 2
హనుమంతుడు అంటేనే... బ్రహ్మ,విష్ణు, శివాత్మకమైన త్రిమూర్తాత్మక స్వరూపుడని, సృష్టిస్థితి లయకారకుడని, రామదూత అని పేర్కొంటారు. ఇంట్లో ప్రతినిత్యం భక్తి శ్రద్ధలతో హనుమంతుడిని పూజిస్తే... ఆ గృహంలో ఆంజనేయుని ప్రభావం వల్ల లక్ష్మీ కటాక్షం సిద్ధిస్తుందని విశ్వాసం.
అదే విధంగా... శ్రీరామ కీర్తనలు, శ్రీరామ భజనలు ఎక్కడ జరుగుతాయో... ఆ ప్రాంతంలో ఆనంద భాష్పాలతో చిరంజీవి అయిన ఆంజనేయ స్వామి ప్రత్యక్షమవుతాడని భక్తుల నమ్మకం.
అటువంటి హనుమంత స్వామి వారికి "హనుమజ్జయంతి" నాడు విశేషపూజలు, శ్రీరామభజనలు, సుందరకాండ, హనుమాన్ చాలీసా వంటి పారాయణం చేస్తే సకల సంపదలు ప్రాప్తిస్తాయని శాస్త్రాలు చెబుతున్నాయి.
