గురువారం బృహస్పతిని పూజించడం ద్వారా అనుకున్న కోరికలు నెరవేరుతాయి. ఆనందం, శాంతి, శ్రేయస్సుతో నిండిన జీవితం కోసం ఆయన ఆశీస్సులు పొందడానికి, భక్తులు గురువారం పూజలు చేస్తారు. తరచుగా ఈ రోజున ఉపవాసం ఉంటారు. ఇలా చేయడం ద్వారా కెరీర్‌లో విజయాన్ని, మెరుగైన ఆరోగ్యాన్ని పొందవచ్చు. అలాగే, గురువారం ఉపవాసం వుండటంలో వైవాహిక సమస్యలను కూడా పరిష్కరించడంలో సహాయపడుతుందని చెబుతారు. గురువారం ఈ ఉపవాసం పాటించడం ద్వారా, భక్తులు సంపద, శ్రేయస్సును ఆకర్షించవచ్చు.
కుటుంబంలో శాంతి చేకూరుతుంది. ఈ ఉపవాసం పాటించడం వల్ల వివిధ ఆరోగ్య సమస్యలు, వ్యాధులు, అనారోగ్యాల నుండి రక్షణ లభిస్తుందని నమ్ముతారు. నెయ్యి దీపం వెలిగించాలి. బృహస్పతి పేరిట గల శ్లోకాలు పఠించడం ఉత్తమ ఫలితాలను ఇస్తుంది.
భక్తులు పసుపు రంగు దుస్తులు ధరించాలి. బృహస్పతికి పసుపు అత్యంత ఇష్టమైన రంగు కాబట్టి సాయంత్రం పసుపు రంగు దుస్తులను దానం చేస్తారు. గురువారం ఉపవాసం ఆచరించిన తర్వాత ఉపవాస కథ వినాలి లేదా చదవాలి. అలాగే ఆంజనేయుడిని, మహావిష్ణువును పూజించడం ద్వారా అష్టైశ్వర్యాలు చేకూరుతాయి.
