Karthika Deepam 2025: 365 వత్తులతో దీపాన్ని వెలిగిస్తే?

కార్తీక దీపం రోజున 365 వత్తులతో దీపం వెలిగించడం ద్వారా అష్టైశ్వర్యాలు చేకూరుతాయి. తెలుగు రాష్ట్ర ప్రజలు ఈ రోజున ఇళ్లల్లో 365 రోజులను సూచించడానికి 365 వత్తులతో దీపాన్ని తయారు చేస్తారు. వాటిని ఇళ్లల్లోనే కానీ శివాలయాల్లో కానీ వెలిగిస్తారు. ఈ దీపాన్ని కార్తీక దీపం రోజున వెలిగిస్తే అన్ని సమస్యలను దూరం చేస్తుందని నమ్ముతారు. కార్తీక దీపం రోజున కార్తీక పురాణాన్ని పఠించడం ఉత్తమ ఫలితాలను ఇస్తుంది. తద్వారా సంపదలు, అదృష్టాలు లభిస్తాయని విశ్వాసం. 

అలాగే అరుణాచలేశ్వర స్వామి ఆలయంలో కార్తీక దీపోత్సవం డిసెంబర్ 13న జరుగనుంది. ఈ రోజున శివుడిని ఆరాధిస్తారు. మహా దీపం అని పిలువబడే భారీ అగ్ని దీపం పూజా సమయంలో వెలిగిస్తారు. తిరువణ్ణామలై ఆలయం పంచభూత స్థలాలలో ఒకటి. అగ్ని మూలకానికి ప్రాతినిధ్యం వహిస్తుంది. 

శివుని ఆరాధనకు పంచభూత స్థలాలు ముఖ్యమైనవి. ఇక్కడ, శివుడు అగ్నిగా కనిపిస్తాడు. ఈ ఆలయాన్ని దక్షిణ కైలాస్ అని కూడా అంటారు. పురాణాల ప్రకారం, అన్నామలై కొండ ఒక శివలింగం. ఈ రోజు కూడా చాలా మంది సిద్ధులు ఈ కొండకు ప్రదక్షిణలు చేస్తారని విశ్వాసం.